ደስታዬን ማመቅ አልቻልኩም

Dr. Abiy Ahmed

አንዱዓለም ተፈራ - የእስከመቼ አዘጋጅ

ያለንበትን ወቅት ማመን አስቸግሮኛል። ከጥቂት ቀናት በፊት የነበረኝ ግንዛቤ፤ ጠቅልሎ ከኔ ጠፋ። ፍጹም ያልጠበቅሁት ክንውን፤ ገሃድ ሆኖ፤ አይደረግም ያልኩት ተፈጽሞ፤ የአገራችን የፖለቲካ ሐቅ ተገለባብጦ ሳገኘው፤ ሰውነቴን ዳሰስኩ። የፈለግሁት ሆነ! ብል ስሕተት ነው። ነገር ግን፤ እየተደረገ ባለው ሂደት ያለሁበትን ማመን አቅቶኛል። ደስ ብሎኛል። ሂደቱ መቀጠል አለበት እላለሁ። ደስታዬን ግን ለራሴ አፍኜ መያዝ አልፈልግም። ለዚህም እንኳን ለዚች ቀን እላለሁ። የጠቅላይ ሚኒስትሩን ድፍረትና ብሩህ ገጽታ አደንቃለሁ። አገራችን አሁን ባለችበት የፖለቲካ ሁኔታ መቀመጥ ነበረባት ወይ? አለባት ወይ? በፍጹም!

ሙሉውን አስነብበኝ ...

ግልጽ ደብዳቤ ለኢትዮጵያ ጠቅላይ ሚኒስትር ለክቡር ዶ/ር ዐቢይ አሕመድ፤ ስለ አፍሪካ ቀንድ ሕብረት

Horn of Africa

ኪዳኔ ዓለማየሁ

ክቡር ሆይ፤

ሰሞኑን በኢትዮጵያ ምክር ቤት ያስተላለፉት መልእክት፤ እንደዚሁም በቅርቡ ሶማሊያ ያከናወኑት ታሪካዊ ጉብኝት፤ አሁን ደግሞ ፕሬዝዳንት ኢሳይያስ ስለ አልጀርሱ ስምምነት መተግበር የሰጡት ቀና መልስ ለአፍሪካ ቀንድ ሰላም፤ ሕብረትና ልማት ያለኝን ከአሥር ዓመት በላይ የታገልኩበትን ዓላማና ተስፋ የሚያጠናክር ስለ መሰለኝ በትሕትና ላመሰግንዎ እወዳለሁ።

ሙሉውን አስነብበኝ ...

የዐቢይ ዐቢይ ተግባር - ኢትዮጵያን ከማንነት ፖለቲካ ማፅዳት (De-ethnization)

Dr. Abiy Ahmed

ዩሱፍ ያሲን (ከኦስሎ፣ ኖርዌይ)

አሁንም ተስፋና ስጋት ጐን ለጐን እየተጓዙ ናቸው፣ በኢትዮጵያችን። እርግጥ ተስፋው እየፈካ፣ ስጋቱ እየደበዘዘ ይገኛል መባሉ ተገቢ ይመስለኛል። ምክንያቱ እውነታውን የሚያንጸባርቀው እሱ ነውና። ስጋቱ እየተነነ፣ ተስፋው ''ምኅዳሩን'' ሙሉ በሙሉ እየተቆጣጠረ ነው የሚል ተስፋ ያልሰነቀ ኢትዮጵያዊ ማግኘቱ እያስቸገረን ሆኗልና። የኻይር ወሬ በሽበሽ ነው፤ አልፎ አልፎ የግጭቶችና የመፈናቅሎሽ ዜና ቢያስበረግጉንም ቅሉ።

ሙሉውን አስነብበኝ ...

እኛን በነሱ ውስጥ አየሁት

PM. Dr. Abiy Ahmed addressing the parliament

ነፃነት ዘለቀ

“ከሰው መርጦ ለሹመት፣ ከእንጨት መርጦ ለታቦት” ይባላል። ይሁንና እንዳለመታደል ሆኖ በኔ ዕድሜ ይህ አባባል እውን ሲሆን ማየት አልቻልኩም። ከአሁን በኋላ ግን ተስፋ ያለኝ ይመስለኛል። ዕድሜ ለዕንባ አባሹ አንድዬ!

ሙሉውን አስነብበኝ ...

ማስታዋሻ ቁጥር 10፡ ዐቢይ አሕመድ፣ የኢትዮጵያ “ሕይወት አድን” ጠቅላይ ሚኒስትር

PM Abiy Ahmed with freed Ethiopian prisoners in Egypt

ፕሮፌሰር አለማየሁ (ትርጉም በነጻነት ለሀገሬ)

የጸሐፊው ማስታዋሻ፡ በዚህ ማስታዋሻ ውስጥ ሁለት ትችቶች አሉ።

የመጀመሪያው እና “አጭሩ“ (ቢያንስ እንዲህ እያልኩ የምጠራው አስተያየት ከዚህ በታች ) የህዝባዊ ወያኔ ሀርነት ትግራይ (ሕወሓት) በአሁኑ ጊዜ በትግራይ ክልል ውስጥ በመስጠት ላይ ስላለው አመራር የቀረበ ትችት ነው። ሁለተኛው ደግሞ ጠቅላይ ሚኒስትር ዐቢይ አሕመድ ኢትዮጵያውያንን ከበርካታ ሀገሮች ከእስራት እና ከእስር ቤቶች በማውጣት እያደረጉት ስላለው ህይወት አድን ልዩ ስራ አድናቆቴን የገለጽኩበት የተለመደው ማስታዋሻ ነው።

ሙሉውን አስነብበኝ ...

ጥቆማ ለጠ/ሚንስትር ዶ/ር ዐቢይ አሕመድ

Dr. Abiy Ahmed

ምሕረት ዘገዬ

ክቡር ጠቅላይ ሚንስትር፣

ሰላምታየን ላስቀድም። ሰላም!

የጀመርከው የለውጥ እንቅስቃሴ ከሕወሓትና ሕወሓታውያን በስተቀር ጤነኛ ነኝ የሚልን ኢትዮጵያዊ ዜጋ ሁሉ በማስደሰት ላይ የሚገኝ ማንም ከማንም ያልጠበቀው ታላቅ አገራዊ በረከት ነው፤ ለአንዳንዶቻችን እንደገና የመፈጠር ያህልም ነው - በሕይወት እያለን እናያዋለን ብለን ያላሰብነው በመሆናችን። ይህ መለኮታዊ የሚመስል ፀጋና ቸርነት ምን ዓይነት ውጤት እያመጣ እንደሆነ አንተም ሆንክ እኛ እናውቃለን። አንድዬ ይህን አንተ የጀመርከውን ለውጥ እውነት አድርጎት እስከመጨረሻው እንዲያዘልቅንና ወደ ቀደመው ኢትዮጵያዊ የአንድትነትና የመተሳሰብ ዐውድ እንዲመልሰን ሁላችንም በአንድ ልብ ሆነን እንጸልይ። እግዚአብሔር የሚሣነው ነገር የለምና አሁን እዚህ ካደረሰን “ነገም ሌላ ቀን ነው”ና ወደ ተሻለ ደረጃ ያደርሰናል።

ሙሉውን አስነብበኝ ...

ማስታዋሻ ቁጥር 9፡ ጠቅላይ ሚኒስትር ዐቢይ አሕመድ፣ በኢትዮጵያ “የተቀደሱት ሰላም ፈጣሪዎች ናቸው”

ፕሮፌሰር አለማየሁ ገብረማርያም (ትርጉም በነጻነት ለአገሬ)

ቅዱሱ መጽሐፍ እንዲህ ይላል፣ “የሚያስተራርቁ ብፁዓን ናቸው።” (ማቴ፣ ፭፣ ፱) ለሰው ልጆች የሰላም እና የዕርቅን መልክዕክት ለማድረስ ዓላማ አድርገው ለሚንቀሳቀሱ ሰዎች የተሰጠ መርሆ ነው። በግለሰቦች እና በአገሮች መካከል እውነተኛ ሰላም የሚገኘው በእርቀ ሰላም ሂደት የተሰበረውን ግንኙነት ቀድሞ ወደነበረበት መመለስ ሲቻል መሆኑን የሚያስተምረን መልዕክት ነው።

ሙሉውን አስነብበኝ ...

ከመቀሌው ዱለታ በስተጀርባ ያሉ እውነታዎች

የወያኔ ጎምቱ አመራሮች

ክንፉ አሰፋ

የሕወሓት መግለጫ በመስመሮች መካከል ሲነበብ በተቀማ ጩኸት ሊመስል ይችላል። ከመቀሌው ዱለታ በስተጀርባ የነበሩ እውነታዎችን ለመዳሰስ የፖለቲካ ሊቅ መሆንን አይጠይቅም። ሕወሓቶች አብረው ወስነው ያስተላለፉትን ጉዳይ እንደመጋዣ አኝከው ሲያበቁ፤ ከብዙ ገጽ የክስ ቻርጅ ጋር ብቅ ብለዋል። ጠቅላይ ሚንስትሩን ለማስጠቆር የሄዱበት ርቀት ግልጽና መሳጭ ነው። ሰማይ ወጥተው ቁልቁል ቢወርዱም ግን፤ ከቶውንም የሕዝብ ቀልብ ሊስቡ አይችሉም። እኛ ከሌለን አገር ትጠፋለች ይሉት የነበረው ቁንጽል እሳቤ፤ እነሆ ፉርሽ ሲሆንባቸው፤ አዲስ ካርታ መዘዙ። የአዲሱ ትውልድ መሪዎች፤ ሕዝብን በኃይል ሳይሆን በፍቅር መምራት እንደሚቻል ሲያሳዩዋቸው፣ ወደ ኦሪት ዞር ብለው ከዘፍጥረት መጀመራቸው ይሆን? በአዲሱ ዜማቸው፤ ኢትዮጵያን ትተው ስለ ትግራይ መጮህ የያዙ ይመስላል።

ሙሉውን አስነብበኝ ...

“ያለውን የለገሰ ንፉግ አይባልም”

Ethiopian Airlines for sale

ዮፍታሔ

ትሕነግ (የትግራይ ሕዝብ ነጻአውጭ ግንባር / ሕወሓት/ወያኔ) እብሪተኛ፣ ስግብግብ፣ ሕዝብን የምትጠላና ችግር ለመፍታት እውቀት የሌላት ድርጅት በመሆኗ እንጂ በአገሪቱ ውስጥ ያለው የኢኮኖሚ ችግር አስከፊነት ከፖለቲካው የማይተናነስ መሆኑን በመግለጽ መፍትሔውንም የጠቆሙ በርካቶች ናቸው።

ሙሉውን አስነብበኝ ...

በአገራችን ላይ የተቃጣውን ባህላዊ ዘረፋ እንታደግ

Ethiopian and turism

ሥናፍቅሽ ግርማ

አገራት ለኢኮኖሚ ድጋፋቸው ከሚጠቀሙበት ስልቶች አንዱና ዋንኛው ያላቸውን የተፈጥሮና ሰው ሰራሽ ሀብት መንከባከብ፣ መጠበቅና በተቻለ መጠንም ማሳደግ እንደሆነ ይታመናል። አገራችን ኢትዮጵያ ያሏትን በተጠቀሱት ዘርፍ የሚገኙትን ሀብቷን በአግባቡ ከተጠቀመች የኢኮኖሚ አቅሟን ለማሳደግና በዚህም የሕዝቧን የኑሮ ደረጃ ለማሻሻል እንደምትችል አያጠያይቅም። ይህንንም ተግባራዊ ለማድረግ ሁሉም ኢትዮጵያዊ በተሰማራበት የሥራ ዘርፍ በመትጋት አገራዊና ወገናዊ ኃላፊነትን ለመወጣት የበቃን ሆነን መገኘት አለብን።

ሙሉውን አስነብበኝ ...

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!