WHO Director General Candidate Dr Tedros Adhanom.ወለላዬ ከስዊድን

ግብዝና አላዋቂ ሰዎች ጊዜና አጋጣሚ ፈቅዶላቸው በሥልጣን ላይ ሲቆዩ የእውቀትና የትልቅነታችው መጠን የት ድረስ እንደሚያደርሳቸው የሚገምቱበት ማስተዋል የላቸውም።

ሁሉንም የተካኑ፣ ለሁሉም ነገር ተመራጮች፣ ብልህና አዋቂዎች አድርገው እራሳቸውን ስለሚገምቱ ስህተት ላይ ይወድቃሉ።

ዶ/ር ቴዎድሮስ አድኃኖም ለዓለም የጤና ድርጅት ዳይሬክተርነት ለመወዳደር ቀርበው ያሳዩን ይሄንኑ የሚያመላክት ነው። አጠያያቂ ጉዳይ ግን አለ።

ዶ/ሩ እንግሊዝኛው ነው ያልገባቸው ወይስ ለተጥየቁት ጥያቄ ምንም ውሃ የሚቋጥር መልስ የላቸውም? ከዛ ያነሰ የመነሻ ጥያቄስ ምን ሊቀርብላቸው ኑሯል? ኧረ! እንደውስ እዛ ለመድረስ የሚያስፈልገውን መስፈርት እንዴት አሟሉ?

በነገራችን ላይ ውርደት የትም ቦታ በቀላሉ የምትገኝ ናት፤ እንደ ዶ/ር ቴዎድሮስ ግን በክብር ቦታ ላይ ያገኛት ማንም የለም፤ ”ጥልቅ ተሃድሶ” እንዲሉ ”ጥልቅ ውርደት” ይሏችኋል ይቺ ናት።

እስቲ ጥያቄ ቢጤ ልጠይቅ፤ ቴዎድሮስ የጤና ጥበቃ ሚኒስትር ሆነው የአገራቸውን የጤና ሁኔታ የት ድረስ አዝቅጠው እንደቀበሩት የሚነግራቸው የለም ማለት ነው? ለዚህ ከፍተኛ ኃላፊነት ብቁ ነኝ ብለው ሲቀርቡ፤ ጠ/ሚኒስትራቸው በ”ጥልቅ ተሃድሶ” እንደኮሎኮሏቸው ሃያ አንዶቹ እሳቸውም በዛ መልኩ የሚቀመጡ መስሏቸው ይሆን?

አባይ ተናኘ ትዝ አለችኝ፤ ይኼን የመሰለ ውርደትና ቅሌት ስትሰማ፤ ”አይ ዕድሜ ዘልዛላው ...” ትል ነበር። እውነትም ዕድሜ ዘልዛላው፤ ይኸው ይህን ጥልቅ ቅሌት አሳየን።

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!