The End of TPLF

”የወያኔ መውደቂያ ደረሰ” የተቃዋሚው ጎራ

ሸንቁጥ አየለ

”ይሄን ያህል ጄነራል፣ ይሄን ያህል ልብስ አልባሽ፣ ይሄን ያህል ሹም ከዳ፤ እናም ወያኔ ሊወድቅ ነው” እያለ ወቅታዊ አጀንዳውን ያራግበዋል። ጥያቄው ከማን ወገን ነው የከዳው። ሃያ ስድስት ዓመታት ሙሉ ከወያኔ/ሕወሓት ፓርቲ ወይም ጄነራሎች ውስጥ አንድም ኀይል ከድቶ አያውቅም። የወያኔ የሥልጣን ነብስ፣ ልብ፣ አዕምሮ እና ስሜቱ ደግሞ ሕወሓት እና ሕወሓት ብቻ ነው። ለበርካታ ዓመታት እንቶኔ ከዳ፣ እንቶኔ ለቀቀ ሲባል የሕወሓት ጄነራሎች ውስኪያቸውን እያንጫለጡ ይስቃሉ። የሕወሓት ፖለቲከኞችም የተቃዋሚው ሚድያ የሚያርገበግባቸው ሚስጥር የሚመስሉ ነገሮችን አውቀ ይለቃሉ።

ደርግም፣ ኃይለሥላሴም ሊወድቁ ሲሉ እንዲህ በርካታ ባለሥልጣኖቻቸው ይከዷቸው ነበር። እናም የወያኔ መውደቂያው ደርሷልየተቃዋሚው ጎራ

ሕዝብም ይሄንን የተቃዋሚ ሚድያ ትንታኔ ተከትሎ እንዲህ ይላል። "ደርግም፣ ኃይለሥላሴም ሊወድቁ ሲሉ እንዲህ በርካታ ባለሥልጣኖቻቸው ይከዷቸው ነበር። እናም የወያኔ መውደቂያው ደርሷል" እያለ ይተነብያል። ሆኖም በስሜት የሚግለበለበው ተቃዋሚ ፖለቲከኛ ለሕዝቡ የማይነግሩት እና እራሳቸው ተቃዋሚዎችም የማያስተውሉት ጥብቅ እውነታ፤ የወያኔ እና የቀደሙት የመንግሥታት ሥርዓት መሰረታዊ ልዩነት እጅግ ጥልቅ እና ዋናው የነገሮች ማጠንጠኛው መሆኑን ነው።

ከኃይለሥላሴ ሚኒስትሮች ውስጥ አንድ ሚኒስቴር ቢከዳ ወይም ከደርግ ጄነራሎች ውስጥ አንድ ጄነራል ቢከዳ፤ አጠቃላይ የመንግሥታቱን ሥርዓት የመናጥ ጉልበቱ ከፍተኛ የሆነበት ዋናው ምክያት አንድ ወጥ የመንግሥት ሥርዓት በአገሪቱ ሰፍኖ የነበረ በመሆኑ ነው። የሥርዓቱ ሚስጥራት፣ ሰነዶች፣ እንዲሁም ስትራቴጂዎች በአንድ ቋት ውስጥ ስለነበሩ፤ አንድ ቦታ የሥርዓቱ ጆንያ ተቀደደ ማለት አጠቃላይ ሥርዓቱ ማፍሰስ እና መቦርቦር ይጀምራል ማለት ነው።

የወያኔ ሥርዓት ግን ከዚህ ፈጽሞ በእጅጉ የተለየ ነው። ለምሳሌ ኦሕዴድም ሆነ ሙታኑ ብአዴን በአንድ ቀን ቢፈርሱ፤ ወያኔ ምንም አይሆንም። ሥልጣን በወያኔ ሠራዊት እና ደህንነት እጅ ናትና፤ ሌላው ቀርቶ ዓለምን ለማታለያነት እና በኢትዮጵያ ሕዝብ ላይ ለማላገጫነት ያዋቀረው ፓርላማ ቢፈርስም፤ ወያኔ ቀጥ ብሎ በሽፍታ ሥርዓት አገሪቱን ይመራል። ወያኔ የተለየ ሥርዓት ነውና በተለመደው የመንግሥት አወቃቀር ስልት ወያኔን ሊተነትኑት የሚሞክሩ ተቃዋሚዎችን እና ተንታኞችን ሁሌም እንዳታለላቸው እና እንደሸወዳቸው ነው።

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!