አዲስ አበባ ልገባ ነው!

የአንባብያን ድምፅ: 5 / 5

Star ActiveStar ActiveStar ActiveStar ActiveStar Active
Addis Ababa

ወለላዬ ከስዊድን

ኢትዮጵያ ልሄድ ነው። ይኼን እያሰብኩ እያለሁ እንባዬ ፊቴን ሞላው። እንደደረስኩ እቤት አልገባም። ተቀባዮቼን አስከትዬ ደብረ ሊባኖስ እሄዳለሁ። በናቴ መቃብር ላይ ሻማ ማብራትና አበባ ማስቀመጥ አለብኝ። በቦታው ላይ የማፈሰው እንባ ታየኝ። ከፊሉን አሁኑኑ ዘረገፍኩት። እናቴ ይኸው መጣሁ እናቴ ተቀበይኝ ... ያልቀበርኳት እናቴን ኀዘን በዛ ብቻ አልወጣውም፤ ግርግር ሳይኖር፣ ተው ባይ ሳይከተል፣ ብቻዬን ሌላ ቀን እመጣለሁ። ለናቴ የምነግራት ብዙ ነገር አለኝ። ሠንዬ እመለሳለሁ።

ሙሉውን አስነብበኝ ...

የወያኔ ኑዛዜ፣ ከደደቢት እስከቤተ መንግሥት

የአንባብያን ድምፅ: 5 / 5

Star ActiveStar ActiveStar ActiveStar ActiveStar Active
የወያኔ ባለሥልጣናት

(በወያኔአዊ ቋንቋ የተጣፈ ስላቅ)

ዘጌርሳም

ከደደቢት በመነሳት አራት ኪሎ ለመድረስ ረጅምና አድካሚውን ጉዞ የጀመርነው ገና ጎሕ ሳይቀድ ነበር። ከፊት ለፊታችን የተንጣለለ የአርብቶና አርሶ አደር ልማታዊ እንቅስቃሴ ይካሄዳል። እንስሳቶች ሳይቀሩ ደፋ ቀና ይላሉ። ልማታዊውና አብዮታዊ ዴሞክራሲያዊው መንግሥት በመልሶ መደራጀት ያሰባሰባቸው ናቸው። አብዛኞቹ ተጋዳሊቶችና ተጋዳዮች ሲሆኑ፤ በተለጣፊነት የተሰለፉም አሉበት። ተለጣፊዎቹ በአብላጫ የሚያገለግሉት በእቃ ተሸካሚነትና መንገድ መሪነት ሲሆን፣ ፈንጂ እንዲመክኑም ይታዘዛሉ። ተለጣፊዎቹ በአብላጫው ከአናሳ ብሔረሰቦች የመጡ ሲሆኑ፣ የተማረኩና የጥቅማጥቅም ተስፋ የተሰጣቸው፣ ከትምክህተኞችና ጠባብ ብሔረተኞች የመጡ በቁጥር ብዝኀትነት አላቸው። ሕጉ አሁንም በረሃ ላይ እንደነበረው ስለሆነ ዕንስታትና ተባዕታት አብረው እንዲታዩ ቅቡልነት የለውም። ይህ ተጥሶ ቢገኝ ወደ ባዶ ስድስት ያስወረውራል። በአንፃራት ግን ዕንስት ከዕንስት፣ ተባዕት ከተባዕት መገናኘት ትግሉን ለመሸርሸር እስካልተንቀሳቀሱ ድረስ ዴሞክራሲያዊና ፍትሃዊ መብታቸው ነው። እነሱም ቢሆን ይህ በሕገመንግሥቱ ቅቡልነቱ ታውቆ እንደተረጋገጠ ያውቃሉ። ጉዳዩን አስመልክቶም የትሃድሶ ሥልጠና በየደረጃውና ዘርፉ ተሰጥቷል።

ሙሉውን አስነብበኝ ...

ደስታዬን ማመቅ አልቻልኩም

የአንባብያን ድምፅ: 4 / 5

Star ActiveStar ActiveStar ActiveStar ActiveStar Inactive
Dr. Abiy Ahmed

አንዱዓለም ተፈራ - የእስከመቼ አዘጋጅ

ያለንበትን ወቅት ማመን አስቸግሮኛል። ከጥቂት ቀናት በፊት የነበረኝ ግንዛቤ፤ ጠቅልሎ ከኔ ጠፋ። ፍጹም ያልጠበቅሁት ክንውን፤ ገሃድ ሆኖ፤ አይደረግም ያልኩት ተፈጽሞ፤ የአገራችን የፖለቲካ ሐቅ ተገለባብጦ ሳገኘው፤ ሰውነቴን ዳሰስኩ። የፈለግሁት ሆነ! ብል ስሕተት ነው። ነገር ግን፤ እየተደረገ ባለው ሂደት ያለሁበትን ማመን አቅቶኛል። ደስ ብሎኛል። ሂደቱ መቀጠል አለበት እላለሁ። ደስታዬን ግን ለራሴ አፍኜ መያዝ አልፈልግም። ለዚህም እንኳን ለዚች ቀን እላለሁ። የጠቅላይ ሚኒስትሩን ድፍረትና ብሩህ ገጽታ አደንቃለሁ። አገራችን አሁን ባለችበት የፖለቲካ ሁኔታ መቀመጥ ነበረባት ወይ? አለባት ወይ? በፍጹም!

ሙሉውን አስነብበኝ ...

ግልጽ ደብዳቤ ለኢትዮጵያ ጠቅላይ ሚኒስትር ለክቡር ዶ/ር ዐቢይ አሕመድ፤ ስለ አፍሪካ ቀንድ ሕብረት

የአንባብያን ድምፅ: 5 / 5

Star ActiveStar ActiveStar ActiveStar ActiveStar Active
Horn of Africa

ኪዳኔ ዓለማየሁ

ክቡር ሆይ፤

ሰሞኑን በኢትዮጵያ ምክር ቤት ያስተላለፉት መልእክት፤ እንደዚሁም በቅርቡ ሶማሊያ ያከናወኑት ታሪካዊ ጉብኝት፤ አሁን ደግሞ ፕሬዝዳንት ኢሳይያስ ስለ አልጀርሱ ስምምነት መተግበር የሰጡት ቀና መልስ ለአፍሪካ ቀንድ ሰላም፤ ሕብረትና ልማት ያለኝን ከአሥር ዓመት በላይ የታገልኩበትን ዓላማና ተስፋ የሚያጠናክር ስለ መሰለኝ በትሕትና ላመሰግንዎ እወዳለሁ።

ሙሉውን አስነብበኝ ...

ጥቆማ ለጠ/ሚንስትር ዶ/ር ዐቢይ አሕመድ

የአንባብያን ድምፅ: 5 / 5

Star ActiveStar ActiveStar ActiveStar ActiveStar Active
Dr. Abiy Ahmed

ምሕረት ዘገዬ

ክቡር ጠቅላይ ሚንስትር፣

ሰላምታየን ላስቀድም። ሰላም!

የጀመርከው የለውጥ እንቅስቃሴ ከሕወሓትና ሕወሓታውያን በስተቀር ጤነኛ ነኝ የሚልን ኢትዮጵያዊ ዜጋ ሁሉ በማስደሰት ላይ የሚገኝ ማንም ከማንም ያልጠበቀው ታላቅ አገራዊ በረከት ነው፤ ለአንዳንዶቻችን እንደገና የመፈጠር ያህልም ነው - በሕይወት እያለን እናያዋለን ብለን ያላሰብነው በመሆናችን። ይህ መለኮታዊ የሚመስል ፀጋና ቸርነት ምን ዓይነት ውጤት እያመጣ እንደሆነ አንተም ሆንክ እኛ እናውቃለን። አንድዬ ይህን አንተ የጀመርከውን ለውጥ እውነት አድርጎት እስከመጨረሻው እንዲያዘልቅንና ወደ ቀደመው ኢትዮጵያዊ የአንድትነትና የመተሳሰብ ዐውድ እንዲመልሰን ሁላችንም በአንድ ልብ ሆነን እንጸልይ። እግዚአብሔር የሚሣነው ነገር የለምና አሁን እዚህ ካደረሰን “ነገም ሌላ ቀን ነው”ና ወደ ተሻለ ደረጃ ያደርሰናል።

ሙሉውን አስነብበኝ ...

ክቡር ጠ/ሚ ዐቢይ፤ አየር መንገድና ባቡርን አይሽጡ! (ግልጽ ደብዳቤ ከአበራ የማነ አብ)

የአንባብያን ድምፅ: 4 / 5

Star ActiveStar ActiveStar ActiveStar ActiveStar Inactive
Dr. Abiy Ahmed

ለክቡር ዶክተር ዐቢይ አሕመድ
የአትዮጵያ ጠቅላይ ሚኒስትር
አዲስ አበባ
ክቡር ሆይ!

ትላንት፣ ግንቦት 28 ቀን 2010 ዓ.ም. የኢሕአዴግ ሥራ አስፈጻሚ ኮሜቴ በቁልፍ የአኮኖሚ ተግባር የተሰማሩና እስካሁን በመንግሥት ቁጥጥር ስር ያሉ አገልግሎት ሰጪና አምራች ድርጅቶች በከፊል ወይም ሙሉ በሙሉ ለግል ባለሀብቶች እንዲሸጡ መወሰኑን ተረድቻለሁ። በተለይም የኢትዮጵያ አየር መንገድና የባቡር አገልግሎት ለሽያጭ እንዲቀርቡ መወሰኑ ከፍተኛ ኀዘንና ድንጋጤ ፈጥሮብኛል።

ሙሉውን አስነብበኝ ...

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!