Prof. Berhanu Nega, Prof. Merera Gudina and Athlet Lelisa Feyesa in EU parlament

Ethiopia Zare (ረቡዕ ጥቅምት ፴ ቀን ፳፻፱ ዓ.ም. November 9, 2016):- ዛሬ የአውሮፓ ሕብረት በብራስልስ ባደረገው ስብሰባ ላይ ኢትዮጵያውያኖችን ጋብዞ አነጋገረ። ከተጋባዦቹ መካከል ፕ/ር ብርሃኑ ነጋ፣ ፕ/ር መረራ ጉዲና እና አትሌት ፈይሳ ሌሊሳ ይገኙበታል።

በስብሰባው ላይ አትሌት ፈይሳ ሌሊሳ ኢትዮጵያ ውስጥ እየተካሄደ ያለውን የሰብዓዊ መብት ጥሰት አስመልክቶ ንግግር ማድረጉን ለኢትዮጵያ ዛሬ የደረሰው ዘገባ ጠቁሟል። ሁለቱም ፕሮፌሠሮች በኢትዮጵያ ወቅታዊ ጉዳዮች ላይ ንግግር ማድረጋቸውንም ለመረዳት ችለናል።

Anna Gomez talking to Ethiopians

የአውሮፓ ሕብረት የኢትዮጵያውያን ጉዳይ በየጊዜው ክትትል የሚያደርግ ሲሆን፣ ሁኔታውም እያሳሰበው እንደሚገኝ በተደጋጋሚ ገልጿል። በአሁኑ ጊዜ ደግሞ ይበልጥ ትኩረት ሰጥቶ በመከታተል ላይ ይገኛል።

በዚህ ጉዳይ ላይ የኢትዮጵያውያን ሁኔታ በተነሳ ቁጥር ይበልጥ ተነሳሽነት ያላቸው ወ/ሮ አና ጎሜዝ (ሃና ጎበዜ) የሚታወሱ ናቸው።

ይህንኑ ተከትሎ ነገ ሐሙስ ኖቨምበር ፲ ቀን ፳፻፲፮ (November 10, 2016) በአውሮፓ ሕብረት ጽሕፈት ቤት የተቃውሞ ሰልፍ እንደሚደረግ ታውቋል። በዚሁ ሰልፍ ላይ ማብራሪያ እንዲሰጥ የተጋበዘው አትሌት ፈይሳ ሌሊሳ ከወገኖቹ ጋር ድምፁን ለማሰማት ይገኛል። በዚሁ ሰልፍ ላይ በሌሎች የአውሮፓ አገራት የሚገኙ ኢትዮጵያውያኖችም መሳተፍ እንዲችሉ ጥሪ ቀርቧል።

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!