Habtamu, Daniel, Yeshiwas and Abraha

ኢትዮጵያ ዛሬ (ሰኞ ኅዳር ፭ ቀን ፳፻፱ ዓ.ም. Nov. 14, 2016):- አራት ታዋቂ የተቃዋሚ ፓርቲ ሰዎች፤ አቶ ሀብታሙ አያሌው፣ አቶ የሺዋስ አሰፋ፣ አቶ ዳንኤል ሺበሺ እና አቶ አብርሃ ደስታ በነገው ዕለት በፌዴራሉ ጠቅላይ ፍርድ ቤት እንደሚቀርቡ ለኢትዮጵያ ዛሬ የደረሰው ዘገባ ጠቆም።

እነዚህ ታዋቂ የፖለቲካ ሰዎች በተለያዩ ፓርቲዎች ውስጥ በአመራር ደረጃ የሚገኙ ሲሆን፣ አቶ ሀብታሙ አያሌው እና አቶ ዳንኤል ሺበሺ ከአንድነት፣ አቶ የሺዋስ አሰፋ ከሰማያዊ ፓርቲ፤ እንዲሁም አቶ አብርሃ ደስት ከዓረና መሆናቸው ይታወቃል። አራቱም ጁላይ ፳፻፲፬ እ.ኤ.አ. ጀምሮ ለሁለት ዓመታት ታስረው፣ ጁላይ ፳፻፲፮ በተለያዩ ጊዜያት የተፈቱ ሲሆን፣ ለሁለት ዓመታት የታሰሩት ከበሽብርተኝነት ወንጀል ተጠርጥረው ቢሆንም፤ ፍ/ቤቱ በነፃ እንዳሰናበታቸው አይዘነጋም።

አቶ ሀብታሙ አያሌው በእስር ላይ ከነበሩበት ወቅት ጀምሮ በሕመም ምክንያት እየተሰቃዩ ቢሆንም፤ ተገቢውን የሕክምና እርዳታ ወደውጭ አገር ሄደው እንዲያገኙ ለፍ/ቤቱ አቤት ቢሉም፤ ፍ/ቤቱ ከአገር እንዳይወጡ እንዳገዳቸው ይታወቃል። በነገው ዕለት ፍ/ቤቱ የሚያስተላልፈው ውሳኔ፤ አቶ ሀብታሙ አያሌው ወደውጭ አገር ሄደው አስፈላጊውን የሕክምና እርዳታ ሊያገኙ ያስችላቸውላ የሚል ተስፋ እንዳለ ለመረዳት ችለናል።

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!