Journalist Getachew Workuኢትዮጵያ ዛሬ (ማክሰኞ ኅዳር ፮ ቀን ፳፻፱ ዓ.ም. Nov. 15, 2016)፦ የፌዴራሉ የመጀመሪያ ደረጃ ፍ/ቤት አራዳ ምድብ ፮ኛ ወንጀል ችሎት ዛሬ በዋለው ችሎት፤ በኢትዮ ምኅዳር ጋዜጣ ዋና አዘጋጅ ጋዜጠኛ ጌታቸው ወርቁ ላይ የአንድ ዓመት እስራት እንደበየነበት ለኢትዮጵያ ዛሬ የደረሰው ዘገባ ጠቆመ። ጋዜጠኛ ጌታቸው ካለፈው ጥቅምት ፳፬ ቀን ጀምሮ በፖሊስ ቁጥጥር ስር ነበር።

ጋዜጠኛ ጌታቸው የተከስሶው የነበረው ግንቦት ፳፪ ቀን ፳፻፯ ዓ.ም. በታተመው ኢትዮ ምኅዳር ጋዜጣ ሲሆን፣ ከሳሹ የኢትዮጵያ ኦርቶዶክስ ቤተክህነት መሆኑ ታውቋል። ክሱ የተመሰረተው ጋዜጣው በመንበረ ፓትሪያርክ ቅድስት ማርያም ገዳም ላይ የገንዘብና የንብረት ሙስና መፈጸሙን አስመልክቶ ”በመንበረ ፓትርያርክ ቅድስት ቅዱሳን ማርያም ገዳም ላይ ምርመራ እንዲካሄድ ተጠየቀ” በሚል ርዕስ ባቀረበው ዘገባ ነው።

ፍ/ቤቱ ባለፈው ጥቅምት ፳፬ ቀን ጋዜጠኛውን በኢትዮጵያ የወንጀል ሕጉ አንቀጽ ፮፻፲፫/፫ መሰረት፤ በስም ማጥፋት እና ሐሰተኛ ዜና በማሰራጭት በሚል ጥፋተኛ ሆኖ አግኝቸዋለሁ በማለቱና የቅጣት ውሳኔ እስኪያገኝ ድረስ በፖሊስ ተይዞ እንዲቆይ ወስኖበት ነበር።

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!