Ene Bekele Gerbaኢትዮጵያ ዛሬ (ረቡዕ ኅዳር ፯ ቀን ፳፻፱ ዓ.ም. Nov. 16, 2016)፦ ዛሬ በዋለው የፌዴራሉ ከፍተኛ ፍርድ ቤት ፲፰ኛ ወንጀል ችሎት፣ የፌዴራሉ አቃቤ ሕግ ትናንት የእነ አቶ በቀለ ገርባ ጉዳይ ላይ ምስክርነት የመስጠቱ ሂደት በዝግ ችሎት እንዲታይለት ያቀረበውን ጥያቄ ውድቅ አደረገበት።

”እነ ጉርሜሳ አያኖ” በሚል አቃቤ ሕግ አቶ በቀለ ገረባን እና ደጀኔ ፊጣ ገለታን ጨምሮ የኦሮሞ ፌዴራሊስት ኮንግረስ (ኦፌኮ) አመራሮችና ደጋፊዎች በሆኑ ሃያ ሁለት ሰዎች ላይ በሽብር ወንጀል ክስ መመስረቱ ይታወሳል። ትናንት በዋለው ችሎት የተከሳሾቹ ጠበቆቹ አቃቤ ሕጉ ላቀረበው በዝግ ችሎት ይታይልኝ ጥያቄ ተቃውሞ ያሰሙ ሲሆን፣ ሕገ መንግሥቱን የማይደግፈው ነው ሲሉ ተደምጠዋል። ፍ/ቤቱ በጉዳዩ ላይ ለዛሬ ብይን ለመስጠት በያዘው መሠረት፤ ጥያቄውን ውድቅ ማድረጉን ለኢትዮጵያ ዛሬ የደረሰው ዘገባ ጠቆመ።

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!