Habtamu, Daniel, Yeshiwas and Abrahaኢትዮጵያ ዛሬ (ረቡዕ ኅዳር ፯ ቀን ፳፻፱ ዓ.ም. Nov. 16, 2016)፦ በአራት ታዋቂ የተቃዋሚ ፓርቲ ሰዎች፤ አቶ ሀብታሙ አያሌው፣ አቶ የሺዋስ አሰፋ፣ አቶ ዳንኤል ሺበሺ፣ አቶ አብርሃ ደስታ እና የፓርቲ አባል ባልሆኑት አቶ አብርሃም ሰለሞን የተከሰሱበትን ጉዳይ ለማየት የፌዴራሉ ጠቅላይ ፍርድ ቤት ይግባኝ ሰሚ ችሎት ትናንት ቢሰየምም፤ የፌዴራሉ አቃቤ ሕግ በችሎቱ ባለመገኘቱ ተለዋጭ ቀጠሮ ተሰጠ።

ይግባኝ ሰሚ ችሎቱ ለተከሳሾቹ ውሳኔ እንዳልደረሰለት የገለጠላቸው ሲሆን፣ በያዝነው ወር ለማክሰኞ ኅዳር ፳፯ (27) ቀን ፳፻፱ (2009) ዓ.ም. (ዲሴምበር 6, 2016) ተለዋጭ ቀጠሮ መስጠቱን ለኢትዮጵያ ዛሬ የደረሰው ዘገባ ያስረዳል።

አቶ ሀብታሙ አያሌው ፍ/ቤት ያልቀረቡ ሲሆን፣ ፍ/ቤቱ ለምን እንዳልቀረቡ ቢጠይቅም፤ ግለሰቡ የአልጋ ቁራኛ መሆናቸውንና አስፈላጊ ከሆነ ሊቀርቡ እንሚችሉ ተነግሮታል። አቶ ሀብታሙ በእስር ላይ ከነበሩበት ወቅት ጀምሮ በሕመም ምክንያት እየተሰቃዩ ቢሆንም፤ ተገቢውን የሕክምና እርዳታ ወደውጭ አገር ሄደው እንዲያገኙ ለፍ/ቤቱ አቤት ቢሉም፤ ፍ/ቤቱ ከአገር እንዳይወጡ እንዳገዳቸው ባለፈው መዘገባችን አይዘነጋም። በትናንቱ ዕለት ፍ/ቤቱ ውሳኔ አስተላልፎ ቢሆን ኑሮ፤ አቶ ሀብታሙ አያሌው ወደውጭ አገር ሄደው አስፈላጊውን የሕክምና እርዳታ ሊያገኙ ያስችላቸዋል የሚል ተስፋ እንደነበር መዘገባችን ይታወሳል።

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!