Prof. Merera Gudina

ኢትዮጵያ ዛሬ (እሁድ ኅዳር ፳፭ ቀን ፳፻፱ ዓ.ም. Dec. 4, 2016)፦ ፕ/ር መረራ ጉዲና ከአርበኞች ግንቦት ሰባት ሊቀመንበር ከፕ/ር ብርሃኑ ነጋ ጋር በቤልጅየም ብራስልስ ”ተገናኝተው በመውያየታቸውና መግለጫ በመስጠታቸው” ነው ያሰርኳቸው ሲል ኮማንድ ፖስቱ ገለጠ።

የኮማንድ ፖስቱ ሴክሬታሪያት ፕ/ር መረራ ጉዲናን ያሰርኩት የአስቸኳይ ጊዜ አዋጁን ተላልፈው በማግኘቴ ነው ሲል ባለፈው ኅዳር ፳፪ ቀን መግለጡን ፋና ዘገበ። ዘገባው ፕ/ር መረራ ኮማንድ ፖስቱ ያሰራቸው በአስቸኳይ ጊዜ አዋጁ መመሪያ ቁጥር አንድ አንቀጽ ሁለት ላይ የተመለከተውን መመሪያ ተላልፈው ስላገኛቸው መሆኑን ጠቁሟል።

የአስቸኳይ ጊዜ አዋጁ መመሪያ ቁጥር አንድ አንቀጽ ሁለት፤ ”በሽብር ከተሰየሙ ድርጅቶችና ከፀረ ሠላም ቡድኖች ጋር ማንኛውንም ግንኙነት ማድረግ ክልክል ነው” የሚል ድንጋጌ እንደያዘ ዘገባው አያይዞ ጠቁሟል።

የአውሮፓ ሕብረት ባደረገላቸው ጥሪ መሠረት ወደ ሕብረቱ ዋና መስሪያ ቤት ብራስልስ ተገኝተው ውይይት ማድረጋቸውን ተከትሎ ለአፈናና እስር የተዳረጉት ፕ/ር መረራ ጉዲና እንዲፈቱ አና ጎሜዝን ጨምሮ የተለያዩ ወገኖች ጥሪ እያቀረቡ መሆኑን ይታወቃል።

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!