Temesgen Desalegne

ኢትዮጵያ ዛሬ (ዓርብ ኅዳር ፴ ቀን ፳፻፱ ዓ.ም. Dec. 9, 2016)፦ “ተመስገን ያለበትን ቦታ ለማወቅ ለ3ኛ ቀን ፍለጋ አንዳችን ወደ ዝዋይ፣ አንዳችን ወደ ሸዋ ሮቢት፣ አንዳችን ወደ ማዕከላዊ እስር ቤቶች እየሄደን ሲሆን፤ እናታችን ደግሞ ወደ ቤተክርስቲያን እየሄደች ነው።” ሲል ዛሬ ጠዋት የጋዜጠኛ ተመስገን ወንድም ታሪኩ ደሳለኝ በፌስቡክ ገጹ ቤተሰቡ ያለበትን ኹናቴ እና ያደረበትን ስጋት ገለጠ።

በጋዜጠኝነት ሙያው ሳቢያ ሦስት ዓመት እስር ተፈርዶበት አንዴ ቂሊንጦ ሌላ ጊዜ ደግሞ ዝዋይ እያዘዋወሩት በእስር ላይ የቆየው ተመስገን ደሳለኝ አሁን የት እንደሚገኝ ለማወቅ እንዳልቻሉ ቤተሰቦቹ በተደጋጋሚ ገለጹ።

“ጋዜጠኛ ተመስገን ደሳለኝ በኢትዮጵያ የፌደራል እስር ቤቶች ሁሉ የለም” ሲል ታሪኩ ደሳለኝ ትናንት በፌስቡክ ገጹ ገልጾ ነበር። አክሎም፤ “... ከኅዳር 28 ቀን 2009 ዓ.ም. ጀምሮ ዝዋይ እስር ቤት ብንገኝም የእስር ቤቱ ሹሞች ተመስገን እዚህ የለም ግቢውን ለቃችሁ ውጡ ብለውናል። አዲስ አበባ የሚገኙት ቃሊቲና ቂሊንጦ እስር ቤቶች ብንሄደም ተመስገን እንደሌለ ነገረውናል። እንግዲህ ተመስገንን ካጣነው ዛሬ 2 ቀናችን ነው።” ብሎ ነበር።

የተመስገን ወንድም፤ ታሪኩ ደሳለኝ ቤተሰቡ እጅጉን እንደተረበሸ ገልጾ፤ ቤተሰቡ ይገኛል ብለው ባሰቡባቸውና በገመቱባቸው እስር ቤቶች ቢሄዱም ተመስገን እንደሌለ የተነገራቸው ሲሆን፤ መንግሥት ጋዜጠኛ ተመስገን ደሳለኝን ያደረገበትን ቦታ ወይም ያደረገውን እንዲያሳውቃቸው ጠይቀዋል።

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!