CPJ imprisoned 2016

ኢትዮጵያ ዛሬ (ማክሰኞ ታህሳስ ፬ ቀን ፳፻፱ ዓ.ም. Dec. 13, 2016)፦ በየዓመቱ በመላው ዓለም በሥራቸው ሳቢያ ብቻ ወደ ወህኒ ቤቶች የተወረወሩ ጋዜጠኞችን ቁጥርና ስም ዝርዝር ይፋ የሚያወጣው ዓለማቀፉ የጋዜጠኞች መብት ተከራካሪው ድርጅት ሲፒጄ፤ ዛሬ ባወጣው ሪፖርት በኢትዮጵያ ወህኒ ቤቶች 16 ጋዜጠኞች መታጎራቸውን ይፋ አድርጓል።

በዚህም የተነሳ አገሪቱ በዓለም ለጋዜጠኞች ከማይመቹና እስር ከሚበዛባቸው አገራት አምስተኛ ደረጃ ላይ የተቀመተች ሲሆን፣ ከአፍሪካ ደግሞ ሦስተኛ ደረጃን ይዛለች። ግብጽና ኤርትራም በቅደም ተከተል ሦስተኛና አራተኛ ሆነዋል።

በኢትዮጵያ ያለውን የፕሬስ አፈናና የሰብዓዊ መብት ጥሰትን የተነተነው ይሄው የሲፒጄ ሪፖርት፤ እስር በአንድ አገር ውስጥ ምንም አይነት ለውጥ ሊያመጣ እንደማይችል ገልጿል።

በዚህ ዓመት ብቻ በተለይም መንግሥት በአገሪቱ የተለያዩ ክልሎች የተነሳበትን ሕዝባዊ ተቃውሞ ለማፈን ሲል ያወጣውን የስድስት ወር አስቸኳይ አዋጅ ሰበብ በማድረግ ከስድስት በላይ ጋዜጠኞችን ማሰሩ ይታወቃል።

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!