Temesghen Desalegn

ኢትዮጵያ ዛሬ (ማክሰኞ ታህሳስ ፲፰ ቀን ፳፻፱ ዓ.ም. Dec. 27, 2016)፦ ሰሞኑን ያለበት ባለመታወቁና እስር ቤቶቹ ሁሉ ”አናውቅም” በማለታቸው ቤተሰቦቹን ጨምሮ ጉዳዩ ብዙዎችን አስጨንቆ የነበረው ጋዜጠኛ ተመስገን ደሳለኝ፤ በመጨረሻ ዝዋይ እስር ቤት ቢገኝም፤ በአሁኑ ሰዓት እጅግ ታምሞ ሆስፒታል መግባቱ ታወቀ።

እንደቤተሰቦቹ ገለጻ ከሆነ፣ በዛሬው ዕለት (ታህሳስ ፲፰ ቀን ፳፻፱ ዓ.ም.) በዝዋይ እስር ቤት ወታደሮች ታጅቦ በአንቡላንስ ወደ ባቱ ሆስፒታል ተወስዷል። ተመስገን በስትሬቸር እየተገፋ ወደ ሆስፒታሉ ሲገባ፤ ወታደሮቹ በሆስፒታሉ አካባቢ የነበሩ ሰዎችን ከስፍራው እንዲሄዱ ያደረጉ በመሆኑ ተመስገን በምን ደረጃ ላይ እንደሚገኝ ለማወቅ አለመቻሉ ታውቋል።

ይህ ዜና እስከተጠናከረበት ሰዓት ድረስ፣ ተመስገን ዝዋይ ከተማ በሚገኘው ባቱ ሆስፒታል ውስጥ የሚገኝ ሲሆን፣ ቤተሰቡ ግን እስካሁን ድረስ የተመስገንን የሕመም አይነትና መጠን አለማወቁን ለመረዳት ችለናል።

የጋዜጠኛ ተመስገን ወንድም የሆነው ታሪኩ ደሳለኝ በፌስ ቡክ ገጹ ላይ እንዳሰፈረው፤ የዝዋይ እስር ቤት አስተዳዳሪዎች እና የዛሬው የዝዋይ እስር ቤት ተረኛ መሪ ሻለቃ ንጉሴ እንዲሁም እስከዛሬ በተመስገን ላይ ለደረሰው እና ለሚደርሰው ነገር ሁሉ መንግሥት ኃላፊነቱን ይወስዳሉ ሲል ገልጿል።

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!