Plastic rice in Nigeria

ኢትዮጵያ ዛሬ (ዓርብ ታህሳስ ፳፩ ቀን ፳፻፱ ዓ.ም. Dec. 30, 2016)፦ በናይጄሪያ የፕላስቲክ ሩዝ ተሰራጭቷል ተብሎ የወጣውን ሪፖርት አስመልክቶ፤ ”ሩዙ የፕላስቲክ ሳይሆን የተመረዘ ነው” ሲል የናይጄሪያ ብሔራዊ የምግብና የመድኃኒት ተቆጣጣሪ ኤጀንሲ ማስተባበያ ሰጠ። ሩዙ ከቻይና ወደ ናይጄሪያ የገባ ነው።

ትናንት ድርጅቱ ከናይጄሪያ የጉምሩክ ባለሥልጣን ጋር በመሆን በሰጠው ጋዜጣዊ መግለጫ፤ በላቦራቶሪ የተመረመረው ይኸው ከቻይና ወድ ናይጄሪያ የገባው ሩዝ፣ የሰው ሕይወት አደጋ ላይ ሊጥል የሚችልና የተመረዘ መሆኑን አረጋግጧል። በዚሁ ጋዜጣዊ መግለጫ ላይም ሩዙ የፕላስቲክ አለመሆኑን መረጋገጡ ተገልጧል።

የናይጄሪያ ብሔራዊ የምግብና የመድኃኒት ተቆጣጣሪ ኤጀንሲ ተጠባባቂ ዳይሬክተር ወ/ሮ የቱንዴ ኦኒ እንደገለጡት ከሆነ፣ ሩዙን ከጉምሩክ ሲረከቡ ሰው እንዳይጠቀምበት ሲባል እንዲቃጠል ይደረጋል።

ከዘጠኝ ቀናት በፊት በናይጄሪያ ከቻይና የገባው ሩዝ የፕላስቲክ ነው በሚል የተዘገበው ዘገባ የዓለም መነጋገሪያ እንደነበር አይዘነጋም።

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!