United Nations Security Council

ኢትዮጵያ ዛሬ (ሰኞ ታህሳስ ፳፬ ቀን ፳፻፱ ዓ.ም. Jan. 02, 2017)፦ ባለፈው ሰኔ ወር ላይ በጊዜያዊ አባልነት የተመረጠችው ኢትዮጵያ በፈረንጆቹ 2017 አዲስ ዓመት መግቢያ ላይ በተባበሩት መንግሥታት ድርጅት የጸጥታ ካውንስል አባልነቷን በይፋ መጀመሯ ተዘግቧል።

ኢትዮጵያ ለዚህ አባልነት የተመረጠችው ከ190 ድምጾች መካከል 185 በማግኘት ሲሆን፣ ይህም በአፍሪካ ለአባልነት ታጭተው የነበሩት ኬኒያ እና ሲሼልስ ራሳቸውን ከእጩነት በማግለላቸው ሳቢያ እንደሆነ ይታወቃል።

የተባበሩት መንግሥታት ድርጅት የጸጥታው ምክር ቤት አምስት ቋሚ አባላት አሉት። እነዚህም አሜሪካ፣ እንግሊዝ፣ ሩሲያ፣ ቻይናና ፈረንሳይ ሲሆኑ፣ አስር ሀገራት ደግሞ በጊዜያዊ አባልነት ይሰየማሉ። በዚህ መሠረት ኢትዮጵያ፣ ቦሊቪያ፣ ጣሊያን እና ስዊድን በዚህ ዓመት ተመራጭ ሆነው ተሰይመዋል።

ምንም እንኳ ኢትዮጵያ በምክር ቤቱ አባልነት የተሰየመች ቢሆንም ቅሉ በአገር ውስጥ በዜጎች ላይ በሚደርሰው የሰብዓዊ መብት ጥሰት ሳቢያ በርካታ አነጋጋሪ ጥያቄዎች ተነስተዋል።

ኢትዮጵያ የምክር ቤቱ አባል በመሆኗ ሳቢያ መንግሥት በዜጎች ላይ የሚወስደውን የኃይል እርምጃና በተቃዋሚዎች ላይ የሚያደርገውን የመብት ጥሰት ለመቀነስ ይረዳ ይሆን? ወይስ ሁለቱን ዓመት በይስሙላ አባልነት ታሳልፈው ይሆን? የሚሉትን ጥያቄዎች ብዙዎች እያነሱት ይገኛሉ።

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!