Timket festival

ከጎንደር ታቦቱን ከመቅደሱ ገብተው መሸከም እስኪቀራቸው ድረስ የመንግሥት ወታደሮች ካህናቱን ቶሎ በሉ፣ ቶሎ በሉ እያሉ ያጣድፏቸው ነበር። ታቦት በራሳቼው ላይ የተሸከሙ አባቶች ሁለት እጆቻቸው ታቦቱን ቢደግፉም እንባዎቻቸው በጎንደር አስፋልት ላይ ጠብ፣ ጠብ፣ እያሉ ሲፈሱ ከበርካታ ካህናት ዓይኖች ቀረብ ብዮ አስተውያለሁ፣ መስቀል ኃይል ነው ብላ የምታምን ቤተክርስቲያን ዛሬ ስናይፐር ኃይል ነው የሚል መንግሥት በስናይፐር የጎንደር ታቦቶች እንዲታጀቡ አደረገ።

ድሮ በኦሞ መንገዱ ታጥቦ ምንጣፍ እየተነጠፈ እላዩ ላይ የሰላም ምልክት ቄጠማ የሚጎዘጉዙት ወጣቶች ዛሬ በበዓሉ ስፍራ የሉም።

በምትካቸው ካህናተ እግዚአብሔርን በግልምጫ እና በስድብ የሚያዋርድ ሠራዊት ከሕዝቡ በላይ ተገኝቷል። ታቦት ተሸካሚውን ካህን ተጎንብሶ አንድ ባለ ስናይፐር “ቶሎ ቶሎ ሒድ ምን ይገትርሐል” በማለት ሲናገር የተመለከቱ አንዲት መነኩሲት፤ “ምነው የአባቶቻችን አምላክ እንዲህ ፈጽሞ ረሳን፣ አርባ አራቱ ታቦቶቻችን ከመዋረዳቸው በፊት ምን አለበት እኛን በሞት ቢጠራን” በማለት ጮክ ብለው በመናገር ምርር ብለው ሲያለቅሱ ብዙ እናቶች በዋይታ አጅበዋቸው ነበር።

“የምን ለቅሶ ነው ዝም በይ” ተብለው እኒህ እናት በታጣቂ ሲንገላቱ ሕዝቡ መሀል ገብቶ ከባለ መሳሪያው አስለቅቋቸዋል። ጎንደር ከወትሮው በተለየ መልኩ የጥምቀት በዓል ሳይሆን ዘመድ አልባ አስከሬን የሚሸኝ በሚመስል መልኩ ፀጥ እረጭ ብላ በዓለ ጥምቀቱን በግዳጁ ስታከብር፣ ታቦታቱን ወደ ማደሪያው በፌደራል፣ በመከላከያና በወያኔ ካድሬ ተከቦ በታሪክ ታይቶ በማይታወቅ መልኩ ከተማዋ ነዋሪዎችን በተፈጥሮ አደጋ የተነጠቀች እስኪመስል በዓለ ጥምቀቱ የሰው ድርቅ መትቶት በደበዘዘ መልኩ አልፏል።

ባከታሪኩ ጀግናው የጎንደር ሕዝብም የተማማለበትን ጥምቀተን እንደወትሮው በድምቀት አናከብርም ያለውን ቃሉን በሚገባ አክብሯል!!!!

ዞብል (ጎሕ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!