TPLF press release

ሕወሓት በኢሕአዴግ ውሕደት ላይ አለመስማማቱንና ከዶ/ር አብይ ሐሳብ ጋር አንድ እንዳልኾነ ገለጠ

“በውሕደት ስም በፍጹም ፀረ-ዴሞክራሲያዊ መንገድ አዲስ አሃዳዊ ድርጅት ሊመሰረት አይገባም” ሕወሓት

ኢዛ (ማክሰኞ ጥቅምት ፬ ቀን ፳፻፲፪ ዓ.ም. October 15, 2019):- ኢሕአዴግን ወደ አንድ ውሕድ ፓርቲ ለማምጣት እየተደረገ ያለውን እንቅስቃሴ የማይቀበል መኾኑን ሕወሓት በይፋ አስታወቀ።

ሕወሓት ይህንን አቋሙን ይፋ ያደረገው ላለፉት ሰባት ቀናት ሲያካሒድ የነበረውን የሕወሓት ማዕከላዊ ኮሚቴ መደበኛ ስብሰባ መጠናቀቅን አስመልክቶ ባወጣው መግለጫ ነው።

ሕወሓት በዚሁ መግለጫው “በውሕደት ስም በፍጹም ፀረ-ዴሞክራሲያዊ መንገድ አዲስ አሃዳዊ ድርጅት ሊመሠረት አይገባም” በማለት ያለውን አቋም ገልጿል። የማዕከላዊ ኮሚቴው መግለጫ ከለውጥ ኃይሉ በተቃራኒው መቆሙን የሚያመላክት ከመኾኑም በላይ፤ ይደረጋል የተባለውን ውሕደት እንደማይቀበልም ያስታወቀበት ኾኗል።

ጠቅላይ ሚኒስትር ዶ/ር አብይ አህመድ የኢሕአዴግ ውሕደት የማይቀር መኾኑን ማሳወቃቸው የማይዘነጋ ሲሆን፣ ይህ ውሕድ ፓርቲ በሕወሓት ምትክ ማንን ይተካል የሚለውን ጥያቄ እያስነሳ ነው።

ሕወሓት ዛሬ ጥቅምት 4 ቀን 2012 ዓ.ም. አመሻሽ ላይ ያወጣው መግለጫ ውሕደቱን አልቀበልም ብሎ አቋሙን ካሳወቀበት ነጥብ ሌላ፤ በሌሎች ጉዳዮች ላይ ያለውን አቋምም ያንፀባረቀበት ነበር። የመግለጫውን ሙሉ ቃል ለማንበብ እዚህ ይጫኑ! (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!