Lemma Megerssa honouring Abiy Ahmed

አቶ ለማ መገርሳ፣ ዶ/ር አብይ የዓለም የሰላም ኖቤል ተሸላሚ በመሆናቸው በኦዴፓ ማዕከላዊ ኮሚቴ አባላት ስም ሽልማት ሲያበረክቱ

ለሕወሓትም ምላሽ የሚሠጥበት ይሆናል ተብሎ ይጠበቃል

ኢዛ (ረቡዕ ጥቅምት ፭ ቀን ፳፻፲፪ ዓ.ም. October 16, 2019):- በጠቅላይ ሚኒስትር ዶ/ር አብይ አህመድ የሚመራው የኦዴፓ ማዕከላዊ ኮሚቴ ዛሬ ጥቅምት 5 ቀን 2012 ዓ.ም. መደበኛ ስብሰባውን ማካሄድ ጀምሯል። ስብሰባው በወቅታዊው ክልላዊና አገራዊ ጉዳዮች ላይ የሚመክር ሲሆን፣ የተለያዩ ውሳኔዎች የሚተላለፉበትና ለሕወሓትም ምላሽ የሚሠጥበት ይሆናል ተብሎ ይጠበቃል።

ትናንት የሕወሓት ለሰባት ቀናት ያካሄደውን የማዕከላዊ ኮሚቴ መደበኛ ስብሰባ ሲያጠናቅቅ ባወጣው መግለጫ “በውሕደት ስም በፍጹም ፀረ-ዴሞክራሲያዊ መንገድ አዲስ አሃዳዊ ድርጅት ሊመሰረት አይገባም” ማለቱንና ኢሕአዴግ ይመሠርተዋል ተብሎ የሚጠበቀውን ውሕድ ፓርቲ እንደማይቀበል መዘገባችን አይዘነጋም። ኦዴፓም በዚሁ የውሕድ ፓርቲ ጉዳይ ላይ ለሕወሓት ምላሽ ሳይሰጥ እንደማይቀር ተገምቷል።

ከስበሰባው መጀመር ቀደም ብሎ የኦዴፓ ምክትል ሊቀመንበርና የመከላከያ ሚኒስትሩ አቶ ለማ መገርሳ፣ ዶ/ር አብይ የዓለም የሰላም ኖቤል ተሸላሚ በመሆናቸው የተሰማቸውን ደስታ በመግለጽ በኦዴፓ ማዕከላዊ ኮሚቴ አባላት ስም ሽልማት አበርክተውላቸዋል።

በዚሁ የሽልማት አሰጣጥ ፕሮግራም ላይ አቶ ለማ፣ “ለጠቅላይ ሚኒስትር ዶ/ር አብይ የተበረከተው የኖቤል ሽልማት ለኢትዮጵያ ሕዝብ ትግል እውቅና የሠጠ ነው” ማለታቸው ተነግሯል። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!