Berhanu Tsegaye

ጠቅላይ ዓቃቤ ሕግ ብርሃኑ ጸጋዬ

በ78 ተጠርጣሪዎች ላይ ክስ ሊመሠረት ነው

ኢዛ (ሐሙስ ኅዳር ፬ ቀን ፳፻፲፪ ዓ.ም. November 14, 2019)፦ ሰኔ 15 ቀን 2011 ዓ.ም. በአዲስ አበባና በባህርዳር ከተሞች በከፍተኛ መኮንኖችና የመንግሥት ባለሥልጣናት ላይ የተፈጸመው ግድያ በብርጋዲየር ጄኔራል አሳምነው ጽጌ የተቀነባበረ መኾኑን የጠቅላይ ዓቃቤ ሕግ ይፋ አደረገ።

ጠቅላይ ዓቃቤ ሕግ ዛሬ በሠጠው መግለጫ የሰኔ 15ቱ ጥቃት መፈንቅለ መንግሥት ለማድረግ ተልዕኮ በተሠጣቸው አካላት የተፈጸመ ስለመኾኑ አስታውቋል።

የአማራ ክልል ርዕሰ መስተዳድር ዶ/ር አምባቸው መኮንን፣ አቶ እዘዝ ዋሴና ምግባሩ ከበደ ላይ የተፈጸመው ግድያ በብርጋዲየር ጄኔራል አሳምነው ጽጌና ባለደረቦቻቸው ለመፈንቅለ መንግሥት ተልዕኮ በተሠጣቸው አካላት የተፈጸመ መኾኑንና ይህንንም በምርመራ ማረጋገጥ እንደቻለ ጠቅላይ ዓቃቤ ሕግ ብርሃኑ ጸጋዬ ተናግረዋል።

የባህርዳሩ ጥቃት አዲስ አበባ ላይ በጠቅላይ ኤታማዦር ሹሙ ሰዓረ መኮንንና በሜጀር ጄኔራል ገዛኢ አበራ ላይ የተፈጸመው ጥቃት ተያያዥነት እንዳለውም የሚጠቅሰው ይህ መረጃ፤ ከእነዚህ ከፍተኛ መኮንኖች ሌላ ምክትል ጥቅላይ ኤታማዦር ሹሙን ጄኔራል ብርሃኑ ጁላን ለመግደል ያለመ ነበር።

ከዚህ ጋር በተያያዘ በአሁኑ ወቅት የሰውና የሰነድ ማስረጃ የተጠናቀቀባቸው 78 ተጠርጣሪዎች ላይ ክስ ለመመሥረት ዝግጅት ተጠናቋል ተብሏል።

ከ68ቱ ውስጥ 55ቱ ከባህርዳር 13ቱ ደግሞ ከአዲስ አበባ የተያዙ ሲሆን፣ በተጠርጣሪዎቹ ላይ በዚህ ሳምንት ክስ እንደሚመሠርት ዓቃቤ ሕጉ ገልጸዋል። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!