Ethiopia Zare (ሰኞ ታህሳስ 5 ቀን 2002 ዓ.ም. December 14, 2009)፦ በቅርቡ በኢትዮጵያ የኢንቨስትመንት ፍቃድ አውጥተው መሬት የተሰጣቸው የሕንድ ባለሀብቶች ሰሞኑን ኦነግ ባወጣው መግለጫ መደናገጣቸውንና ስጋት ላይ መሆናቸው ተሰማ። እሁድ ዕለት አምቦ ከተማ ተረብሻ ዋለች።

 

የደምቢዶሎ ምንጮቻችን እንደገለጹት ኦነግ በውጭ መገናኛ ብዙኀን የኦሮሚያን መሬት ለውጭ ባለሀብቶች መሰጠቱን እንደሚቃወም ያወጣው መግለጫ በወረቀት ተባዝቶ በደምቢዶሎ ከተማ የተበተነ ሲሆን፤ በዚህም የሕንድ ባለሀብቶች ሥጋት እንደገባቸው ምንጮቹ ገልጸዋል። ኦነግ በመግለጫው መሬት አሰጣጡን የሚቃወም ብቻ ሳይሆን ሂደቱን ለማስቆም ማናቸውንም አስፈላጊ እርምጃ እንደሚወስድ ይፋ አድርጓል።

 

በተያያዘ ዜና እሁድና ሰኞ የኦህኮና የኦፌዴን አባላት በአምቦ ከተማ አምጸው ነበር ያሉት የዓይን እማኞች መንግሥት በተደጋጋሚ ሰበብ እየፈለገ ስለሚያሥራቸው ያንን ለመቃወም ነው ተብሏል። በረብሻ ተሳትፈዋል የተባሉ በርካታ የአምቦ ነዋሪዎች መታሰራቸውን ለማወቅ ችለናል።

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!