Ethiopian Airlines54 ሊባኖሳዊያንና 22 ኢትዮጵያዊያኖች ይገኙበታል

Ethiopia Zare (ሰኞ ጥር 17 ቀን 2002 ዓ.ም. January 25, 2010)፦ከቤይሩት ወደ አዲስ አበባ ይበር የነበረ 737 ቦይንግ አውሮፕላን 90 የሚደርሱ ተሳፋሪዎችንና የአውሮፕላኑ ሠራተኞችን ይዞ ተከሰከሰ።

 

በአውሮፕላኑ አደጋ 22 ኢትዮጵያዊያኖችና 54 በኢትዮጵያ የንግድ ስራ ላይ የተሰማሩ የሊባኖስ ዜግነት ያላቸው ሀብታም ነጋዴዎች የሚገኙ ሲሆን ሁለት እንግሊዛዊያንና የቱርክ፣ የፈረንሳይ፣ የሩስያ፣ የካናዳ፣ የሶሪያና የኢራቅ ዜግነት ያላቸው እንደሚገኙበት ለማወቅ ተችሏል።


Relatives of the passengers of the Ethiopian Airlines plane that... ((AP Photo/Hussein Malla))አውሮፕላኑ አኮብኩቦ የተነሳው ከባድ ዝናብ በነበረበት ወቅት ሲሆን ከተነሳ ከ5 ደቂቃ በኋላ ከመቆጣጠሪያ ጣቢያው እይታ ውጭ እንደሆነና የአይን ምስክሮች በአየር ላይ እሳት እንዳዩ ምስክርነት መስጠታቸው ታውቋል።


አደጋ ወደ ተከሰተበት ቦታ የሊባኖስ ህይወት አድን ቡድን እያመራ ሲሆን ከአደጋው የተረፈ ሰው ስለመኖሩ ምንም አይነት መረጃ አልተገኘም።


በአደጋው በቤይሩት የፈረንሳይ አምባሳደር ባለቤት እንደሚገኙ የበረራ መረጃዎች የሚጠቁሙ ሲሆኑ የአይሁድ ዝርያ ያላቸው ሰዎችም ሳይኖሩ እንደማይቀሩ ከመጠቆሙ ሌላ አደጋው ከሽብርተኞችጋር ስለመያያዙ የታወቀ ነገር የለም።


የኢትዮጵያ አየር መንገድ ለዘመናት ጥራት ያለው አገልግሎት በመስጠት ይታወቅ የነበረ ቢሆንም ከ10 አመታት በፊት በኮሞሮስ ደሴቶች አቅራቢያ ተከስክሶ በርካታ ህይወት የጠፋበት አደጋ ተከስቶ እንደነበር አይዘነጋም።    

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!