Presidant Barack Obamaረቂቅ የሕክምና ሕጉ በሰባት ድምፅ ልዩነት ፀደቀ

Ethiopia Zare (ሰኞ መጋቢት 13 ቀን 2002 ዓ.ም. March 22, 2010)፦ ዩናትድ ስቴትስ ኦፍ አሜሪካ ዜጎች የሕክምና መብታቸው የተከበረባት ሀገር ልትሆን ነው። የዚህ ታሪካዊ ውጤት ባለቤት የመጀመሪያው ጥቁር አሜሪካዊ ፕሬዝዳንት ባራክ ኦባማ ናቸው።

 

ፕሬዝዳንት ባራክ ኦባማ ኋይት ሐውስ ከገቡበት ዕለት ጀምሮ ከአንድ ዓመት በላይ በሀገር ውስጥ ጉዳይ ላይ ቀዳሚ አጀንዳቸው የነበረውን “ሕክምና ለሠፊው ህዝብ” የሚለውን የሕክምና ረቂቅ ሕግ ትናንት (እሁድ መጋቢት 12 ቀን 2002 ዓ.ም.) 219 ለ212 በሆነ ድምፅ ፓርላማው አፀደቀላቸው። ሕጉ “ታሪካዊ” ተብሏል።

 

ከ176 ሪፑብሊካን ውስጥ አንዳቸውም ድምፃቸውን ያልሰጡበትን ይህንን ቢል፣ 34 ዲሞክራቶች የተቃወሙት ሲሆን፤ 219 ዲሞክራቶች ደግሞ ደግፈውታል።

 

“የዛሬዋ ቀን ከ1964ቱ የሰብዓዊ መብት ፖሊሲ ከፀደቀባት ቀን እኩል ታሪካዊ ቀን ናት” ያሉት የሚሺጋኑ ዲሞክራት ጆን ዲንግል ናቸው። የ84 ዓመቱ ጆን ከ1955 ጀምሮ የፓርላማ አባል ሲሆኑ፣ ከ1956 እ.ኤ.አ. ጀምሮ በየዓመቱ ሕክምና ለሁሉም የሚዳረስበትን ረቂቅ ሕግ ለፓርላማው ሲያቀርቡ ነበር።

 

በቁጥር አነስተኛ የሆነው ህዝብ ተወካይ የሆኑትኢ ጆን ቦይነር በበኩላቸው “ይህ የአሜሪካን አራማጌድዮን ነው” ሲሉ አስተያየታቸውን መስጠታቸው ተዘግቧል።

 

ይህንን ሕግ በተደጋጋሚ ወደ ፓርላማው በማቅረብ ለማፀደቅ ሙከራ ያደረጉ በርካቶች የነበሩ ቢሆንም፤ አልተሳካላቸውም ነበር። ከእነዚህም ውስጥ የቀድሞውን የአሜሪካ ፕሬዝዳንት ቢል ክሊንተን 1993-94 እ.ኤ.አ. ሞክረው እንዳልተሳካላቸው ይታወሳል።

 

በረቂቅ ሕጉ ላይ ድምፅ እየተሰጠ በነበረበት ወቅት በርካታ የሪፑብሊካን ደጋፊዎች በዋሽንግተን ዲሲ ተቃውሟቸውን በሠላማዊ ሰልፍ ሲያሰሙ ነበር።

 

ፕ/ት ባራክ ኦባማ፣ “ይህ ለአሜሪካን ህዝብ ታላቅ ድል ነው” ሲሉ አስተያየታቸውን ሰጥተዋል። ሕጉ ከዚህ በኋላ ወደ በሕግ መወሰኛ ምክር ቤቱ (ሴኔቱ) ከፀደቀ በኋላ በኋይት ሐውስ የፕሬዝዳንቱ ፊርማ ሲያርፍበት ተግባራዊ ይሆናል።

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!