W/ro Aregash Adane ወ/ሮ አረጋሽ አዳነEthiopia Zare (እሁድ መጋቢት 26 ቀን 2002 ዓ.ም. April 4, 2010)፦ የቀድሞ የህወሓት ታጋይና በአሁኑ ሰዓት ዓረና-መድረክን በመወከል አቶ መለስ ዜናዊን በአድዋ በመፎካከር ለመጣል ቆርጠው ለተነሱት ወ/ሮ አረጋሽ አዳነ በቫንኩቨርና አካባቢዋ ነዋሪዎች የተዘጋጀው የገንዘብ ማሰባሰብ በተሳካ ሁኔታ መጠናቀቁን አዘጋጆቹ ገለጹ።

 

በዚሁ እሁድ አፕሪል 4 ቀን 2010 እ.ኤ.አ. ቫንኩቨር - ካናዳ በተካሄደው የገንዘብ ማሰባሰብ በሃሳቡ የተስማሙ ነዋሪነታቸውን ሲያትል ያደረጉ ኢትዮጵያኖችም እንደተሳተፉና በጠቅላላ 1000 (አንድ ሺህ) የአሜሪካን ዶላር መሰብሰቡን፤ ይህም ገንዘብ በቀጥታ አቶ መለስ ዜናዊን በአደዋ ለማሸነፍ ቆርጠው ለተነሱት ወ/ሮ እንደሚላክ አዘጋጆቹ አስታውቀዋል።

 

አዘጋጆቹ አክለውም በተለያዩ ሀገራት ከሚኖሩ ኢትዮጵያውያን ልዩ ልዩ የድጋፍና የተቃውሞ አስተያየቶች እንደደረሷቸው ገልጸው፤ ”የተሸነፍነው በትግራይ ነው፣ የምንድነውም በትግራይ” በሚል ርዕስ በተዘጋጀ ጽሑፍ ገንዘብ ለማሰባሰብ የተነሳሱበትን ዓላማና በመጭው ምርጫ የወ/ሮ አረጋሽ አዳነ ድል የሚኖረውን ሀገራዊና ፖለቲካዊ አንድምታ ለማብራራት መሞከራቸውን ተናግረዋል።

 

በዝግጅቱ አንድ ሺህ የአሜሪካን ዶላር ለማሰባሰብ ዕቅድ ተይዞ እንደነበር ገልጸው፤ ዓላማቸውም ሙሉ ለሙሉ ግቡን መምታቱንና ከ14 ሺህ በላይ የኢትዮጵያ ብር ለቀድሞዋ የህወሓት ማዕከላዊ ምክር ቤት አባልና ለአሁኗ በአድዋ የዓረና - መድረክ ዕጩ ተወዳዳሪ ወ/ሮ አረጋሽ አዳነ በአስቸኳይ እንደሚላክ ለመረዳት ተችሏል።

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!