Ethiopia Zare (እሁድ ሚያዝያ 3 ቀን 2002 ዓ.ም. April 11, 2010)፦ የኢትዮጵያ መንግሥት መጋቢት 30 ቀን 2002 ዓ.ም. ምሽት በሰጠው መግለጫ የነዳጅ የችርቻሮ መሸጫ ዋጋዎች ጋር ጭማሪ ማድረጉን አስታወቀ።

 

ከዚሁ ማስታወቂያም ጋር ለህዝቡ የትራንስፖርት አገልግሎት ለሚሰጡ የከተማ አውቶብሶች፣ ሚኒ ባሶች እና ታክሲዎች የታሪፍ ማሻሻያ መደረጉ የተገለጸ ሲሆን፤ በትራንስፖርት ላይ የተጣለው የማሻሻያ ታሪፍ ሀገር አቋራጭ የሰውና የጭነት ማመላለሻ አገልግሎት ተጥሏል።

 

ይህ ሁኔታ ነባራዊውን ማኅበራዊ ቀውስ ከማባባስ ውጭ የተሻለ ግብ እንደሌለው የኢኮኖሚ ባለሙያዎች ትችት እያደረጉበት ከመሆኑም በላይ፤ የምግብ ማብሰያ የሚሆነው የነጭ ጋዝ ዋጋ እየናረ መምጣት የሁሉንም ኢትዮጵያዊ ቤት በተለይም የመካከለኛውንና የድሃውን ህዝብ ኑሮ ከመቼውም ጊዜ በላይ እንደሚፈትነው ገልጸዋል።

 

የኢህአዴግ መንግሥት ሥልጣን በያዘበት በ1983 ዓ.ም. ወርሃ ግንቦት ዋዜማ በሊትር 0.75 ሣንቲም ገደማ ይሸጥ የነበረውን ነጭ ጋዝ፤ በሐምሌ ወር 1992 ዓ.ም. ወደ 1 ብር ከ75 ሣንቲም ከፍ ብሎ ነበር።

 

በ1992 ዓ.ም. ሐምሌ 1 ሊትር ጋዝ 1 ብር 75 ሣንቲም 5 ሊትር ጋዝ ደግሞ 8 ብር 75 ሣንቲም የነበረ ሲሆን፤ ከ10 ዓመት በኋላ በያዝነው ዓመት ሚያዝያ 1 ቀን 2002 ዓ.ም. ጀምሮ ደግሞ 1 ሊትር ጋዝ 9 ብር 85 ሣንቲም፣ 5 ሊትር ጋዝ ዋጋ 49 ብር ከ15 ሣንቲም ሆኗል።

 

በዚህ ሥሌት መሠረት፤ ወርሃዊ ደሞዙ እንዲጨመርለት በተቃዋሚ ፓርቲዎች የሚወተወትለትና ኢህአዲግ ደግሞ፤ ”ያደረኩት ጭማሪ በቂ ነው” የሚልለት የመንግሥት ሠራተኛ በወር 10 ሊትር ጋዝ ብቻ በቂ ከሆነው 99 ብር ከ30 ሣንቲም ከደምወዙ ወጭ ማድረግ ይጠበቅበታል።

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!