Ethiopia Zare (ሐሙስ ኅዳር 23 ቀን 2003 ዓ.ም. December 2, 2010)፦ በምህጻረ ቃል ኢሳት (እሳት) በመባል የሚታወቀውና ዋና ቢሮውን በምድረ ሆላንድ ያደረገው የቴሌቪዥን አገልግሎት የቀጥታ ስርጭቱን ዛሬ ማለዳ ላይ በሙከራ መጀመሩን ይፋ አደረገ።

 

የኢትዮጵያ መንግስት ሳር ቤት አካባቢ በከፍተኛ ወጭ በተገነባ የስርጭት ማክሸፊያ ሞገድ የኢሳት አገልግሎት ለኢትዮጵያ ህዝብ እንዳይታይ ታግዶ እንደነበር ይታወቃል። በከፍተኛ ሞገድ ተሰናክሎ የነበረው ኢሳት የቴሌቭዥን ጣቢያ ከበርካታ ወራት በኋላ ስኬታማ በሆነ መልኩ ስረርጭቱን መጀመሩን ዛሬ ባወጣው መግለጫ አብራርቷል።

 

ይህንን አይነት መሰናክል ኢሳት ከተጀመረ ወዲህ በተደጋጋሚ ቢያጋጥመውም የስርጭት አቅጣጫውን በመቀየያየር መረጃዎችን ለህዝብ ሲያደርስ የቆየ ሲሆን ለበርካታ ወራት ከቀጥታ እይታ ርቆ ቢቆይም መረጃዎችን በኢንተርኔት አማካኝነት ለህዝብ ሲያቀርብ መቆየቱ ይታወሳል።

 

ኢሳት አሁን በአዲስ መልኩ ያስተካከለውን ፍሪኩዌንሲ የተላያዩ የመገናኛ ዘዴዎችን በመጠቀም ህዝብ እንዲያውቃቸው ጥረት እያደረገ መሆኑን ለማወቅ ተችሏል። በሚከተላው ፍሪኩዌንሲ ኢሳትን መከታተል ይችላሉ።

Thaicom 5 Satellite

C-Band at 78.5E

Transponder: 6G

Downlink: 3640H

Symbol: 28066

FEC 3/4

 

ኢሳት ዛሬ ባወጣው መግለጫ ለስድስት ወራት የተቋረጠው አገልግሎት እንዲቀጥል ከፍተኛ ጥረት ከማድረገጉ ጎን ለጎን ጥራትና ብዛት ባለው መልኩ የመረጃ ፍሰት እንዲኖር ስሰራ እንደቆየ ገልጿል። (ሙሉውን መግለጫ አስነብበኝ!)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!