African Cup of Nations, South Africa 3013ጨዋታውን በሞባይሎ ወይንም በኮምፒዩተር መመልከት ይችላሉ

Ethiopia Zare (ሰኞ ጥር 20 ቀን 2005 ዓ.ም. January 28, 2013)፦ ነገ ማክሰኞ ጥር 21 ቀን 2005 ዓ.ም. (ጃንዋሪ 29 ቀን 2013 እ.ኤ.አ.) የኢትዮጵያ ብሔራዊ ቡድን ከናይጄሪያ ጋር በደቡብ አፍሪካ የሚያሂደውን ጨዋታ የኢትዮጵያ ዛሬ ድረገጽ በቀጥታ የሚያስተላልፍ መሆኑን በደስታ ይገልጻል። በሥራ፣ በመንገድ፣ ወይም የቴሌቭዥን ቻናል የሌላችሁ በሞባይላችሁ ወይንም በኮምፒዩተራችሁ በመጠቀም የቀጥታ ስርጭቱን ትመለከቱ ዘንድ ተጋብዛችኋል።

 

ባለፈው ዓርብ ጥር 17 ቀን 2005 ዓ.ም. (ጃንዋሪ 25) ኢትዮጵያ ከቡርኪ ናፋሶ ጋር ያደረገችውን ግጥሚያ የኢትዮጵያ ዛሬ ድረገጽ አስተላልፎት የነበረ ሲሆን፣ በርካታ አንባብያን ጨዋታውን በቀጥታ ከሞባይሎቻቸውና ከኮምፒዩተራቸው ማየታቸውን የኢትዮጵያ ዛሬ ዝግጅት ክፍል ገልጿል።

 

የኢትዮጵያ እና የናይጄሪያ ጨዋታ የሚጀመረው በኢትዮጵያ ሰዓት አቆጣጠር ከምሽቱ ሁለት ሰዓት ጀምሮ ሲሆን፣ የኢትዮጵያ ብሔራዊ ቡድን ናይጄሪያ ካሸነፈ ለቀጣዩ ዙር ውድድር የማለፍ ዕድሉ የሰፋ እንደሚሆን ታውቋል። ኢትዮጵያ ናይጄሪያን ካሸነፈችና ቡርኪ ናፋሶ ዛምቢያን ካሸነፈች፤ ኢትዮጵያ በቀጥታ ወደ ቀጣዩ ዙር ታልፋለች።  

 

ኢትዮጵያ በአፍሪካ ዋንጫ የተሳተፈችው በ1974 ዓ.ም. (1982 እ.ኤ.አ.) የዛሬ 31 ዓመት ሲሆን፣ በ1954 ዓ.ም. (1962 እ.ኤ.አ.) የሦስተኛውን የአፍሪካ ዋንጫ ለማሸነፍ ችላለች። ይህ በደቡብ አፍሪካ በመካሄድ ላይ ያለው የአፍሪካ ዋንጫ 29ኛው መሆኑ ይታወቃል።

 

የኢትዮጵያ ዛሬ ዝግጅት ክፍል በዚህ አጋጣሚ ለኢትዮጵያ ብሔራዊ ቡድን መልካም ዕድን ይመኛል!

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!