Ginbot 7 Public meeting in Stockholm 080621 

Ethiopia Zare (ቅዳሜ ሰኔ 14 ቀን 2000 ዓ.ም. June 21, 2008)፦ ዛሬ ረፋዱ ላይ በስዊድን ዋና ከተማ ስቶክሆልም፣ ልዩ ስሙ ኦሽታ በተሰኘ ክፍለ ከተማ የህዝብ መሰብሰቢያ አዳራሽ ግንቦት ሰባት ንቅናቄ ከህዝብ ጋር የሚያደርገውን ውይይት ከሰዓት በኋላ 14፡25 ሰዓት (ስምንት ሰዓት ከሃያ አምስት) ላይ ጀምሯል። በዚህ ህዝባዊ ውይይት ላይ የንቅናቄው መሥራቾች ዶ/ር ብርሃኑ ነጋ እና አቶ ቸኮል ጌታሁን ተገኝተዋል።

Ato Ahmed, Ato Chekol, Dr. Berhanu

 

14፡25 ሰዓት፦ አቶ አሕመድ ዓሊ በስዊድን የኢትዮጵያውያን ሀገር አቀፍ ማኅበር ሊቀመንበር እና የኢትዮጵያ ራዲዮ ሥራ አስኪያጅ የመግቢያ ንግግር አድርገዋል። በዚህ ንግግራቸው ላይ ማኅበሩ እና ራዲዮ ጣቢያው እንደወትሮው ሁሉ የፖለቲካ ፓርቲዎችን፣ ታዋቂ ግለሰቦችን፣ … በስዊድን ከሚገኘው ኢትዮጵያዊ ማኅበረሰብ ጋር ግንቦት 7 ንቅናቄን ለማወያያት አመራሮቹን መጋበዛቸውን ገልጠዋል።

 

አቶ ቸኮል

 

14፡33 ሰዓት፦ የውይይቱን ፕሮግራም በአጭሩ በመግለጥ ማብራሪያ መስጠት የጀመሩት አቶ ቸኮል ጌታሁን ነበሩ። ከእሳቸው ንግግር በኋላ ዶ/ር ብርሃኑ እንደሚናገሩ፣ ከዚያም በመቀጠል በጥያቄና መልስ መልክ ውይይት እንደሚደረግ ተናግረው፤ ”ማንም ሰው የፈለገውን ሃሳብና ጥያቄ ሊሰነዝር ይችላል። ልታስቆሙትና ልትቃወሙት አይገባም” ሲሉ ለተሰብሳቢው ማስጠንቀቂያና ማሳሰቢያ አዘል መልዕክታቸውን ገልጠዋል። ከዚህም በመቀጠል የንቅናቄውን አመሰራረትና ዓላማ ወደ ማብራራቱ አምርተዋል።

 

አቶ ቸኮል”… ኢህአዴግ ከዚህ በኋላ ነፃና ፍትሃዊ ምርጫ ከእንግዲህ ሊሞከር እንደማይችል በ2000 ዓ.ም. ማሟያ ምርጫው እንድናረጋገጥ አድርጎናል። በዚህም በሚቀጥሉት ምርጫዎች ላይም የሚያሳየንና የሚደግምልን ይህንኑ ነው። …ኢህአዴግ ያሳየን ነገር፦ ነፃ ፍርድ ቤት፣ ምርጫ፣ በካርድ መንግሥት መቀየር ማለት ቧልት ነው የሚለውን ነው።” ሲሉ ገልፀዋል አቶ ቸኮል።

 

ሠላማዊ ትግልን ወያኔ/ኢህአዴግ አቢዩዝ አድርጎታል። በዚህም ምክንያት ጥቃትን ለመከላከል የሚያስችል ስልት ተጠንቶ በግንቦት 7 ንቅናቄ በሥራ ላይ ውሏል። በመሆኑም ግንቦት 7 ከእናንተ ጋር፣ ከህዝብ ጋር በመተጋገዝ፣ እንዲሁም ከሌሎች ፓርቲዎች ጋር በመሆን፣ ማንኛውም የኢትዮጵያ ነገር ያገባኛል የሚል ወገንና አካል ጋር በጋራ በመሆን ለመሥራት ተዘጋጅቷል ሲሉ አቶ ቸኮል ተናግረዋል።

 

አቶ ቸኮል በዚሁ ንግግራቸው ላይ ይህንን ለማድረግና ፓርቲው የተቋቋመለትን ዓላማ ከግብ ለማድረስ ሁላችንም የምንስማማበትን መንገድ ተከትለን … መቻቻል፣ መተሳሰብ ያስፈልጋል። ለዚህም ፓርቲው አንዱ እንደትልም ያያዘው ከሌሎች ፓርቲዎች ጋር መደራደርን ነው። ለድርድር ዝግጁ ነው። ድርድሩ ደግሞ ቀላልና አልጋ በአልጋ የሆነ እንደማይሆን እርግጠኞች ነን። … ሠላማዊ ትግሉን ለማጨናገፍ ኢህአዴግ ሌት ተቀን እየሠራ ነው። ለዚህ የሚመጥን ትብብር ያስፈልገናል ሲሉ ገልጸዋል።

 

የኢትዮጵያ ዛሬ ድረ ገጽ ውይይቱን እየተከታተለ ተጨማሪ ሪፖርቶችን ለማቅረብ ጥረት እያደረገ ስለሆነ፤ አንባብያን ትከታተሉን ዘንድ እንጠቁማለን። ውይይቱን በድምፅ ለማቅረብ እንሞክራለን።

 

 

 

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!