Ethiopia Zare (ቅዳሜ ሐምሌ 12 ቀን 2000 ዓ.ም. July 19, 2008)፦ ኢትዮጵያ በዓለም ላይ ከሚገኙ የመጨረሻ ደሃ ሀገሮች ምድብ ውስጥ ልትወጣ የምትችለው ከ25 ዓመት በኋላ መሆኑን ተጠቆመ።

 

የተባበሩት መንግሥታት “The Least Development Countries Report 2008” በሚል ርዕስ በየዓመቱ በሚያወጣው ሪፖርት፣ ዘንድሮ 8 አገሮች ከሚገኙበት የድህነት ምድብ ውስጥ እንደሚወጡ ተገልጿል። ከስምንቱ አገሮች ውስጥ ከአፍሪካ ኢኳቶሪያል ጊኒ እና አንጎላ ይገኙበታል።

 

ኢትዮጵያ በረዥም ዓመታት ውስጥ ከድህነት ምድብ ከሚላቀቁ የመጨረሻዎቹ ሃያ አምስት አገሮች ጋር ተመድባ ትገኛለች።

 

በሁለተኛው ምድብ ጅቡቲ በአንድ ዓመት፣ ሱዳን በ6 ዓመት፣ ሞሪታኒያ በ8 ዓመት ይላቀቃሉ ተብሎ ሲጠበቅ፤ ሌሴቶ፣ ካምቦዲያ፣ ሳኦቶሚ፣ ላኦ ሪፐብሊክ እና ባንግላዴሽ ከ10 እስከ 17 ባሉት ዓመታት ውስጥ ከመጨረሻዎቹ የደሃ ሀገሮች ምድብ እንደሚለቁ ሪፖርቱ ጠቅሷል።

 

ኢትዮጵያ በምትገኝበት ምድብ ውስጥ የሚገኙት 25 ሀገሮች መካከል ዛምቢያ፣ ሴኔጋልና የሰለሞን ደሴቶች በሃያ ዓመት ውስጥ፣ ሞዛምቢክ በ24 ዓመት፣ ኢትዮጵያ ደግሞ ከ25 ዓመት በኋላ ምድቡን ይለቃሉ ተብሎ ተገምቷል።

 

አንድ ሀገር ከመጨረሻዎቹ ደሃ ሀገሮች ተርታ ሊወጣ የሚችለው ዓመታዊው አማካይ የነፍስ ወከፍ የምርት መጠን ”GNI” 1,040 ዶላር በላይ ሲሆን ነው።

 

በዘንድሮው ሪፖርት በ50 አገሮች ዙሪያ የድህነት ቅነሳን በተመለከተ በዝርዝር የቀረበ ሲሆን፣ የተለያዩ መስፈርቶችም ተካትተዋል።

 

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!