Dr. Tedros Adhanom. ዶ/ር ቴድሮስ አድሃኖም

Ethiopia Zare (ዓርብ መጋቢት 4 ቀን 2007፣ March 13, 2015)፡- የውጪ ጉዳይ ሚንስትሩ ዶ/ር ቴድሮስ አድሃኖም፤ ብሪቱ ጃለታ የተባለች የ14 ዓመት ታዳጊ ወጣት የተሸለመችውን 20 ሚሊዮን የአውስትራሊያ ዶላር ለበጎ አድራጎት ሥራ አዋለች በማለት ዓይን ያወጣ ውሸት እንደዋሹ በጋዜጠኛ አበበ ገላው መረጋገጡን ተከትሎ፤ ከ10 በላይ የሆኑ የማኅበራዊ ድረገጽ ባለቤቶች አንድ ላይ በመሆን ሚንስትሩ ከዚህ አይነት ውሸት እንዲቆጠቡ ማሳሰቢያ እንዲደርሳቸው አድርገዋል።

ሚኒስትሩ ኃላፊነት የጎደላቸው ውሸታም ናቸው ያሉት የድረገጽ ባለቤቶች፣ ታዳጊዋ ወጣት ተሳስታ እንዳሳሳተቻቸው መግለጻቸው ብቻ በቂ እንዳልሆነና የዋሹትን ህዝብ ይቅርታ መጠየቅ እንደሚገባቸው ተጨማሪ ማሳሰቢያ ሰጥተዋል። አንዳንድ ታዛቢዎች ይህን ጉዳይ አስመልክተው፣ ከዚህ በፊት አቶ ስዩም መስፍን የውጪ ጉዳዩን መ/ቤት በሚመሩበት ወቅት ባድሜ ለኢትዮጵያ እንዲሰጥ ተፈረደ በማለት ህዝብን እንደዋሹ አስታውሰው፤ ያሁንም ሚኒስትር በእንደዚሁ አይነት ውሸት በመደፈቃቸው «የውጪ ጉዳይ ሚንስትር የሚሾመው በውሸታምነት ብልጫ ነው ውይ?» በማለት ትዝብታቸውን አሰምተዋል።

ዶ/ር ቴድሮስ አድሃኖም እስካሁን ድረስ በቂ የሆነ ይቅርታ እንዳልጠየቁም ይታወቃል።

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!