Donald Trump after he calls mexicans rapists and drug runners

Ethiopia Zare (ረቡዕ ጥቅምት ፴ ቀን ፳፻፱ ዓ.ም. November 9, 2016):- የአሜሪካ ሕዝብ በዘረኝነት፣ ሴቶችን አሳንሶ በመመልከት፣ ቀረጥ ባለመክፈል እና በተለያዩ ጉዳዮች ሲወነጀሉ የነበሩትን ዶናልድ ትራምፕ ፵፭ኛው (45ኛው) የአሜሪካ ፕሬዝዳንት አድርጎ መረጠ።

ሪፐብሊካንን ወክለው ለፕሬዝዳንትነት የተወዳደሩት ዶናልድ ትራምፕ አሸናፊነታቸው የታወቀው በዊስኮንሰን ፲፰ (18) ነጥብ ባገኙበት ደቂቃ መሆኑ ታውቋል። ይህ ዜና እስከተጠናከረበት ሰዓት ድረስ ዶናልድ ፪፻፸፮ (276) ነጥብ ያገኙ ሲሆን፣ ዴሞክራቶችን ወክለው ተፎካካሪያቸው የነበሩት ሂላሪ ክሊንተን ደግሞ ፪፻፲፰ (218) ነጥብ አግኝተዋል።

ለሚቀጥለው ዓመት ለአሜሪካ ሴኔት ሪፐብሊካኖች ፶፩ (51) መቀመጫዎችን ያገኙ ሲሆን፣ ዴሞክራቶች ደግሞ ፵፯ (47) መቀመጫዎችን አግኝተዋል። ለፓርላማው ፪፻፴፮ (236) መቀመጫዎችን ሪፐብሊካኑ በማግኘት አሸናፊነትን የተቀዳጁ ሲሆን፣ ዴሞክራቶች ደግሞ ፻፺፩ (191) መቀመጫዎችን አግኝተዋል። በዚህ ምርጫ ሪፐብሊካኖች የሁለቱንም ምክር ቤቶች በአብላጫ ድምጽ አሸንፈዋል። ይህ ዜና እስከተጠናከረበት ሰዓት ድረስ የመጨረሻው ድምጽ ተቆጥሮ አላለቀም።

መጪው የአገሪቱ ፕሬዝዳንት ዶናልድ ትራምፕ እና ፕሬዝንት ባራክ ኦባማ በሚቀጥለው ዓመት ጃንዋሪ ፳ ቀን ፳፻፲፯ (January 20, 2017) የሥልጣን ርክክብ ያደርጋሉ ተብሎ ይጠበቃል።

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!