Ana Gomes

ኢትዮጵያ ዛሬ (ዓርብ ኅዳር ፳፫ ቀን ፳፻፱ ዓ.ም. Dec. 2, 2016)፦ በዶ/ር መረራ ጉዲና መታሰር ስጋት እንደገባቸው በመግለጽ፤ አስቸኳይ ደብዳቤ ለአውሮፓ ሕብረት የውጭ ጉዳይ ክፍል የጻፉት የአውሮፓ ፓርላማ አባል አና ጎሜዝ፤ የኢትዮጵያ ዋነኛ የልማት አጋር የሆነው ሕብረቱ ፈጣን እርምጃ እንዲወስድ ጠየቁ።

"ይህ የኢትዮጵያ መንግሥትን ትክክለኛ ባህሪ የሚያንጸባርቅ ድርጊት ከመሆኑም በላይ በየትኛውም መመዘኛ ተቀባይነት የሌለው ነው" ሲሉ ድርጊቱን ኮንነዋል።

በተለያዩ ጊዜያት በኢትዮጵያ ፖለቲካና ወቅታዊ ጉዳዮች ላይ ጠንከር ያለ አስተያየት በመስጠት የሚታወቁት አና ጎሜዝ፤ ይህ ሁኔታ እጅጉን ያስቆጣቸው መሆኑን በጽሁፋቸው ከመግለጽ አልተቆጠቡም።

የፕ/ር መረራ ለእስር መዳረግ የኢትዮጵያ መንግሥት ሕብረቱ በተደጋጋሚ ለሚያቀርበው የዴሞክራሲና የሰብዓዊ መብት መከበር ጥያቄ ትኩረትን የማይሰጥ እንደሆነ ማሳያ ነው ሲሉ በጻፉት ደብዳቤ ጠቅሰዋል።

አውሮፓ ሕብረት በሥርዓቱ ላይ አፋጣኝ እርምጃን የማይወስድ ከሆነ፤ ድርጊቱ በኢትዮጵያ ያለውን የፖለቲካ ውጥረትና አለመረጋጋት ያባብሰዋል ሲሉ በደብዳቤያቸው ላይ አሳስበዋል።

የወ/ሮ አና ጎሜዝን ጽሁፍ ሙሉ ቃል በፒ.ዲ.ኤፍ. አያይዘናል። ለማንበብ እዚህ ይጫኑ!

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!