Senbere Teferi

ኢዛ (ሰኞ ጥር ፰ ቀን ፳፻፱ ዓ.ም. Jan. 16, 2017)፦ ትናንት በስፔን አገር የሲቪያ ከተማ አካል በሆነችው ሳንቲፖንሴ ከተማ በተካሄደው 35ኛው አገር አቋራጭ ዓለም አቀፍ ውድድር ኢትዮጵያዊቷ አትሌት ሰንበሬ ተፈሪ አንደኛ በመውጣት አሸንፋለች። በወንዶች ደግሞ ለባህሬን የሮጠው ትውልደ ኢትዮጵያዊው አትሌት አወቀ አያሌው አንደኛ ሲወጣ፣ አትሌት ታፈሰ ሰቦቃ ደግሞ ኢትዮጵያን ወክሎ ሦስተኛ ወጥቷል።

Senbere Teferi

ይኸው የሴቶቹ አገር አቋራጭ ውድድር 8 ነጥብ 1 ኪሎ ሜትር የሸፈነ ሲሆን፣ አትሌት ሰንበሬ ተፈሪ ውድድሩን በ25 ደቂቃ ከ52 ሰከንድ በመጨረስ ነበር አንደኛ የወጣችው።

አትሌት ሰንበሬን ተከትላ ሁለተኛ የወጣችው የባህሬንዋ ሩዝ ጀቤት ውድድሩን ያጠናቀቀችው በ26 ደቂቃ ከ05 ሰኮንድ ሲሆን፣ በሦስተኝነት ደግሞ ፖርቹጋልን ወክላ የሮጠችው ኢንስ ሞንቶሮ በ27 ደቂቃ 29 ሰከንድ ውድድሩን ጨርሳለች።

የወንዶቹ አገር አቋራጭ ውድድር 10 ነጥብ 8 ኪሎ ሜትር የሸፈነ ሲሆን፣ ውድድሩን 31 ደቂቃ ከ36 ሰከንድ በማጠናቀቅ አንደኛ የወጣው ባህሬንን ወክሎ የተወዳደረው ኢትዮጵያዊው አትሌት አወቀ አያሌው ነበር።

Aweke Ayalew

አትሌት አወቀን ተከትሎ ውድድሩን በሁለተኝነት የጨረሰው ኤርትራን ወክሎ በውድድሩ የተሳተፈው አትሌት ተክለማርያም መድህን ሲሆን፣ ውድድሩን 31 ደቂቃ ከ42 ሰከንድ ፈጽሟል። ኢትዮጵያን ወክሎ የተወዳደረው አትሌት ታፈሰ ሰቦቃ ውድድሩን በ31 ደቂቃ ከ44 ሰከንድ በመጨረስ ሦስተኛ ወጥቷል።

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!