West Bank

ኢዛ (ማክሰኞ ጥር ፴ ቀን ፳፻፱ ዓ.ም. Feb. 07, 2017)፦ በዌስት ባንክ የተገነቡ አራት ሺህ ቤቶችን ለዜጎቹ የሚያስተላልፍ ውሳኔ የእስራኤል ፓርላማ ትናንት ማጽደቁ ተዘገበ።

ውሳኔው በፓርላማው ስድሳ ለሃምሳ ሁለት በሆነ ድምፅ የጸደቀ ሲሆን፣ ውሳኔው አወዛጋቢ እንደሆነ ከመጠቆሙም በላይ ተቃውሞ ገጥሞታል። የእስራኤል ጠቅላይ አቃቤ ሕግ ውሳኔውን የተቃወመው ሲሆን፣ ሕገመንግሥታዊ አይደለም በሚል ተችቶታል። ጠቅላይ አቃቤ ሕጉ አክለውም፣ ”ውሳኔው እስራኤል የተቀበለቻቸውን ዓለም አቀፍ ሕጎች ይጻረራል” ሲሉ ተደምጠዋል።

የፍልስጤም ነጻ አውጭ ድርጅት የፓርላማውን ውሳኔ፣ ”ሕጋዊ ዝርፊያ” በማለት ተቃውሞውን አሰምቷል። የዌስት ባንክን አካባቢ ፍልስጤማውያን ግዛታችን የሚሉት እንደሆነ ይታወቃል።

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!