Ethiopia Zare (ዓርብ ነኀሴ 16 ቀን 2000 ዓ.ም. August 22, 2008)፦ የአሜሪካ መንግሥት ቤተሰብን ከቤተሰብ በማገናኘት ፕሮግራሙ፣ ወደ አገሩ የሚገቡ የኢትዮጵያና የሶማሊያ ስደተኞች ላይ እገዳ ጣለ። የስቴት ዲፓርትመንት ዕገዳ የተጣለባቸው በተለይ የምሥራቅ አፍሪካ ሀገሮች፣ በመጠኑ ደግሞ የላይቤሪያ ስደተኞች መሆናቸው ታውቋል።

 

ስቴት ዲፓርትመንት ባለፈው ረቡዕ ባወጣው መግለጫ፣ ተለያይተው የሚገኙ ቤተሰቦችን ለማገናኘት በተቋቋመው ፕሮግራም (U.S. Family - Reunification Program for Africa) ከአፍሪካ ወደ ዩናይትድ ስቴትስ የሚገቡ ስደተኞች እንዳይገቡ የታገዱት፣ የተሳሳተ መረጃ አቅርበው ፕሮግራሙ ከሚፈቅደው ውጪ እንደሚገቡ ስለተደረሰበት ነው።

 

ዩናይትድ ስቴትስ ከሚገኙ ከቤተሰቦቻችን ጋር መቀላቀል እንፈልጋለን በማለት ማመልከቻ ካቀረቡ ስደተኞች መካከል፣ ለናሙና በተደረገ የዲ.ኤን.ኤ. (DNA) ምርመራ ውጤት፣ አመልካቾቹ በዩናይትድ ስቴትስ ከሚገኙ ቤተሰቦቻቸው ጋር የዝምድና ግንኙነት እንደሌላቸው ሊረጋገጥ ችሏል።

 

ስቴት ዲፓርትመንት የዲ.ኤን.ኤ. ምርምራ ማድረግ የጀመረው፣ ካለፈው የካቲት ወር ጀምሮ ሲሆን፣ በዲ.ኤን.ኤ. ምርመራ በጣም በትንሹም ቢሆን ዝምድናቸው የተረጋገጠ አመልካቾች ወደ አሜሪካ እንዲገቡ ተፈቅዶላቸዋል።

 

ቤተሰብን ከቤተሰብ ጋር በማገናኘት ፕሮግራም አሠራር፣ አመልካቾች በአሜሪካ አገር ከሚገኙ የቅርብ የቤተሰብ አባል (ባል ወይም ሚስት)፣ ትንሽ ልጆች፣ ወንድሞች ወይም እህቶች እና ወላጆች መሆን ይኖርባቸዋል።

 

የስቴት ዲፓርትመንት ምክትል ቃል አቀባይ ሮበርት ዉድ እንደገለጹት፣ ሁለት የዩናይትድ ስቴትስ መንግሥት መ/ቤቶች ከ2008 ዓ.ም. ጀምሮ ቤተሰብን ከቤተሰብ ጋር የሚያረጋግጥ የዲ.ኤን.ኤ. ምርመራ እንዳያደርጉ ውሣኔ ላይ ደርሰዋል።

 

መ/ቤቶቹ ከዚህ ውሣኔ ላይ ሊደርሱ የቻሉት ፕሮግራሙ ከሚፈቅደው ውጪ ሌሎች አመልካቾች ሲያጭበረብሩ በመገኘታቸው ነው ብለዋል።

 

በሮበርት ዉድ ገለፃ የመጀመሪያው የዲ.ኤን.ኤ. ምርመራ የተጀመረው ኬንያ ውስጥ 500 ለሚሆኑ ሶማሊያ እና በኢትዮጵያ ዜጎች ላይ መሆኑን ተናግረው፣ ከአመልካቾቹ ውስጥ 20 ከመቶ የሚሆኑት ብቻ ናቸው ትክክለኛ የቤተሰብ አባል መሆናቸው ሊረጋገጥ የቻለው።

 

የዲ.ኤን.ኤ. ምርመራ የማጣራቱ ሂደት፣ በላይቤሪያ፣ ኢትዮጵያ፣ ዑጋንዳ፣ ጊኒ፣ እና የአይቮሪኮስት ዜጎችን ያካተተ ነው።

 

ማጭበርበር ከተገኘባቸው አገሮች መካከል ምንም ስህተት ያልተገኘው በአይቮሪኮስት ብቻ ነው።

 

የቡሽ አስተዳደር እስከመጪው መስከረም 30 ድረስ 16 ሺ የአፍሪካ ስደተኞች ወደ ዩናይትድ ስቴትስ እንዲገቡ የፈቀደ ሲሆን፣ እስካለፈው ሣምንት ድረስ የተፈቀደላቸው 7 ሺ ብቻ ናቸው።

 

ስቴት ዲፓርትመንት ዕገዳውን መቼ እንደሚያነሣ በግልፅ የታወቀ ነገር ባይኖርም፣ ወደፊት የአጭበርባሪዎች ስልት መከላከል የሚያስችል አሠራር ሲሰፍን ፕሮግራሙ ሊጀምር ይችላል ተብሏል።

 

አዲስ ቪዲዮ

Excavators move earth as rescuers work at the site of the landslide at the landfill.
ኤክስካቫተሮች የተደረመሰውን በማንሳት ላይ ሳሉ (ፎቶ፣ ZACHARIAS ABUBEKER/AFP/Getty Images)
...

በቆሼው አደጋ መትረፍ የ…

Discussion on the role of the diaspora
የዲያስፖራው ተሳትፎ ምን ይሁን? በቀጥታስ ሆነ በተዘዋዋሪ መሳተፍ አለበት
...

በኢሕአዴግና በተፎካካሪ …

Dr. Berhanu Mengistu on Forum 65
ዶ/ር ብርሃኑ መንግሥቱ ከፎረም ፷፭ ጋር ያደረጉት ቃለምልልስ
...

ዶ/ር ብርሃኑ መንግሥቱ ከፎረም ፷፭ ጋር ያደረጉት ቃለምልልስ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!