Jagama Kello
ሌተናል ጄነራል ጃጋማ ኬሎ

ኢዛ (ቅዳሜ መጋቢት ፴ ቀን ፳፻፱ ዓ.ም. April 8, 2017)፦ በኢትዮጵያ ወታደራዊ ታሪክ ውስጥ ስም ጥር የነበሩት ሌተናል ጄነራል ጃጋማ ኬሎ ትናንት ከሰዓት በኋላ በዘጠና ስድስት ዓመታቸው ከዚህ ዓለም በሞት ተለዩ።

ሌ/ጄነራል ጃጋማ ባደረባቸው ሕመም ምክንያት በጦር ኃይሎች ሆስፒታል ሕክምና ሲደረግላቸው ቆይተው፣ ሕይወታቸው ሆስፒታሉ ውስጥ ማለፉ ታውቋል።

ጄነራሉ በልጅነታቸው ዘመን ወራሪውን የፋሽስት ጣሊያን ጦር ለመመከት የዘመቱ ሲሆን፣ በጦርነቱ ወቅት የአርበኞች መሪ ነበሩ። በዚያ ጦርነትም በርካታ የተመዘገቡ ድሎችን ተጎናጽፈው እንደነበር ይታወቃል።

በአምስት ዓመቱ የፋሽስት ጦርነት ወቅት ወራሪውን የጣሊያን ጦር በዱር በገደሉ በጀግንነት በመዋጋት በተቀድጇቸው ድሎች ሳቢያ ”የበጋው መብረቅ” የሚል ቅጽል ስም ይጠሩ እንደነበር ታሪክ መዝግቦታል። በዚህም ምክንያት የሕይወት ታሪካቸውን የሚተርክ መጽሐፍ ”የበጋው መብረቅ” በሚል ርዕስ ታትሞላቸዋል።

ጄነራል ጃጋማ ከአባታቸው ከአቶ ኬሎ ገሮ እና ከእናታቸው ከወ/ሮ ጠላንዱ ኢናቱ በ፲፱፻፲፫ (1913) ዓ.ም. በምዕራብ ሸዋ ዞን ጅባትና ሜጫ አውራጃ በደንቢ ዮብዲ ወረዳ የተወለዱት ሲሆን፣ ባለትዳርና የስድስት ልጆች አባት ነበሩ።

አገራቸውን ከልጅነታቸው ጀምሮ በውትድርና ያገለገሉት ጄነራል ጃጋማ ኬሎ በቀድሞው ሆለታ የጦር ትምህርት ቤት እና ሰሜን አሜሪካን በመሄድ የጦር ትምህርት መማራቸውን የታሪክ ማኅደራቸው ይመሰክራል።

የሌተናል ጄነራል ጃጋማ ኬሎ የቀብር ሥነሥርዓት ነገ እሁድ ሚያዝያ ፩ ቀን በአዲስ አበባ ቅድስት ሥላሴ ካቴድራል ቤተክርስቲያን ወዳጅ ዘመዶቻቸው በተገኙበት የሚፈጸም ሲሆን፣ በሥነሥርዓቱ ላይ በርካታ ሕዝብ ይገኛል ተብሎ ይጠበቃል።

የኢትዮጵያ ዛሬ ዝግጅት ክፍል ለቤተሰቦቻቸው፣ ለወዳጅ ዘመዶቻቸው፣ እንዲሁም ለመላው የኢትዮጵያ ሕዝብ መጽናናት ይመኛል።

አዲስ ቪዲዮ

Excavators move earth as rescuers work at the site of the landslide at the landfill.
ኤክስካቫተሮች የተደረመሰውን በማንሳት ላይ ሳሉ (ፎቶ፣ ZACHARIAS ABUBEKER/AFP/Getty Images)
...

በቆሼው አደጋ መትረፍ የ…

Discussion on the role of the diaspora
የዲያስፖራው ተሳትፎ ምን ይሁን? በቀጥታስ ሆነ በተዘዋዋሪ መሳተፍ አለበት
...

በኢሕአዴግና በተፎካካሪ …

Dr. Berhanu Mengistu on Forum 65
ዶ/ር ብርሃኑ መንግሥቱ ከፎረም ፷፭ ጋር ያደረጉት ቃለምልልስ
...

ዶ/ር ብርሃኑ መንግሥቱ ከፎረም ፷፭ ጋር ያደረጉት ቃለምልልስ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!