Ethiopia Zare (እሁድ ነኀሴ 18 ቀን 2000 ዓ.ም. August 24, 2008)፦ በቤጂንጉ ኦሎምፒክ ዛሬ በተደረገው የወንዶች ማራቶን ኢትዮጵያውያን አትሌቶች ሦስተኛ፣ አራተኛ እና ሰባተኛ በመውጣት ውድድሩን አጠናቀዋል። ኢትዮጵያ ሁለተኛዋን ነኀስ ለማግኘት ችላለች።

 

አትሌት ፀጋዬ ከበደ በ2፡10፡00 ሰዓት በመግባት ሦስተኛ ሲወጣ፣ አትሌት ድሪባ መርጋ ደግሞ በ2፡10፡21 ሰዓት አራተኛ ወጥቷል። አትሌት ጋሻው አስፋው በ2፡10፡52 ሰዓት ሰባተኛ ሲወጣ፣ ኤርትራዊው አትሌት ያሬድ አስመሮም በ2፡11፡11 ደቂቃ በስምንተኝነት ውድድሩን አጠናቋል።

 

ኬንያዊው ሳሙኤል ካማኡ ዋነሲሩ ውድድሩን በ2፡06፡32 ሰዓት በአንደኝነት በመጨረስ የኦሎምፒክን ክብረወሰን የሰበረ ሲሆን፣ ሞሮኳዊው ጃዉድ ጋሪብ ደግሞ በ2፡07፡16 ሰዓት በመግባት የብር ሜዳሊያ አግኝቷል።

 

የወንዶች ማራቶን የዓለም ክብረወሰን በአትሌት ኃይሌ ገ/ሥላሴ በርሊን ጀርመን ላይ እ.ኤ.አ. ሴፕቴምበር 30 ቀን 2007 የተመዘገበው 2፡04፡26 ሰዓት ሲሆን፣ ዛሬ በኬንያዊው ሣሙዔል የተሰበረው የኦሎምፒክ ክብረወሰን ደግሞ በፖርቹጋላዊው ካርሎስ ሎፔዝ ሎስ አንጀለስ (ዩናይትድ ስቴትስ ኦፍ አሜሪካ) በ1984 እ.ኤ.አ. ተመዝግቦ የነበረው 2፡09፡21 ሰዓት ነበር።

 

ኢትዮጵያ በአራት የወርቅ፣ በአንድ የብር እና በሁለት የነኀስ ሜዳሊያዎች በቤጂንጉ ኦሎምፒክ ከተሳተፉት 204 ሀገራት በሜዳሊያ ሠንጠረዥ የ18ኛ ደረጃነት አግኝታለች። ጎረቤት ሀገር ኬንያ ደግሞ በአምስት የወርቅ፣ በአምስት የብር እና በአራት የነኀስ ሜዳሊያዎች የ15ኛ ደረጃን አግኝታለች።

 

በዚህም መሠረት ከአፍሪካ ሀገሮች ኬንያ አንደኛ፣ ኢትዮጵያ ሁለተኛ፤

ዚምባብዌ በአንድ የወርቅና በሁለት የብር ሜዳሊያዎች ከአፍሪካ ሦስተኛ፣ ከዓለም 37ኛ፤

ካሜሮን እና ቱኒዚያ በአንድ ወርቅ ከአፍሪካ አራተኛ፣ ከዓለም 52ኛ፤

ናይጄሪያ በአንድ የብርና በሦስት የነኀስ ሜዳሊያዎች ከአፍሪካ ስድስተኛ፣ ከዓለም 61ኛ፤

አልጄሪያ እና ሞሮኮ በአንድ የብርና በአንድ የነኀስ ሜዳሊያዎች ከአፍሪካ ሰባተኛ፣ ከዓለም 63ኛ፤

ደቡብ አፍሪካ እና ሱዳን በአንድ የብር ሜዳሊያ ከአፍሪካ ዘጠነኛ፣ ከዓለም 69ኛ፤

ግብፅ፣ ሞሪሽየስ እና ቶጎ በአንድ የነኀስ ሜዳሊያ ከአፍሪካ አስራ አንደኛ ከዓለም 79ኛ ሆነዋል።

 

ዛሬ እሁድ ነኀሴ 18 ቀን 2000 ዓ.ም. (August 24, 2008) የቤጂንጉ ኦሎምፒክ የሚጠናቀቅ ሲሆን፣ የመዝጊያ ስነሥርዓቱ በአዲስ አበባ ሰዓት አቆጣጠር ከቀኑ ዘጠኝ ሰዓት (3 P.M. / 15:00) እስከ ምሽቱ አንድ ሰዓት (6:59 P.M. / 18:59) ድረስ ይካሄዳል።

 

አዲስ ቪዲዮ

Excavators move earth as rescuers work at the site of the landslide at the landfill.
ኤክስካቫተሮች የተደረመሰውን በማንሳት ላይ ሳሉ (ፎቶ፣ ZACHARIAS ABUBEKER/AFP/Getty Images)
...

በቆሼው አደጋ መትረፍ የ…

Discussion on the role of the diaspora
የዲያስፖራው ተሳትፎ ምን ይሁን? በቀጥታስ ሆነ በተዘዋዋሪ መሳተፍ አለበት
...

በኢሕአዴግና በተፎካካሪ …

Dr. Berhanu Mengistu on Forum 65
ዶ/ር ብርሃኑ መንግሥቱ ከፎረም ፷፭ ጋር ያደረጉት ቃለምልልስ
...

ዶ/ር ብርሃኑ መንግሥቱ ከፎረም ፷፭ ጋር ያደረጉት ቃለምልልስ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!