Dr. Tedros Adhanom
አዲስ የተመረጡት የዓለም ጤና ድርጅት ዋና ዳይሬክተር ዶ/ር ቴዎድሮስ አድኃኖም፣ ከምርጫው በኋላ በፈገግታ ታጅበው። (ፎቶ፣ Valentin Flauraud / EPA)

ቪኦኤ፣ የተባበሩት መንግሥታት የዓለም ጤና ድርጅት ሰባኛ ጠቅላላ ጉባዔ የኢትዮጵያውን ዶ/ር ቴዎድሮስ አድኃኖምን የድርጅቱ ስምንተኛ ዋና ዳይሬክተር እንዲሆኑ ዛሬ፤ ግንቦት 15/2009 ዓ.ም መርጧቸዋል።

ዶ/ር ቴዎድሮስ የተመረጡት ከ194ቱ የዓለም ጤና ድርጅት አባል መንግሥታት መካከል ድምፅ የመስጠት መብት ካላቸው ከ185ቱ የ121ዱን ድምፅ አግኝተው ነው።

ካናዳዊቱን የሆንግ ኮንግ ተወላጅ ማርጋሬት ቻንን የሚተኩት ዶ/ር ቴዎድሮስ አድኃኖም ድርጅቱን በመምራት የመጀመሪያው አፍሪካዊ መሆናቸው ነው።

የዶ/ር ቴዎድሮስን ዕጩነት ሲደግፉና ሲቃወሙ የነበሩ ኢትዮጵያዊያን በመላው ዓለም በአካልም በማኅበራዊ መገናኛዎችም ሰፊ እንቅስቃሴዎችን ሲያደርጉ ቆይተዋል። ሰላማዊ ሰልፎች ተደርገዋል።

ዘላለም ተሰማ የሚባሉ የለንደን ነዋሪ የሆኑ ኢትዮጵያዊ የድርጅቱ ጠቅላላ ጉባዔ ትናንት፤ ሰኞ ግንቦት 14 ሲከፈት ጄኔቫ ድረስ ሄደው የድርጅቱ አባል ሚኒስትሮች ፊት የተቃውሞ ድምፃቸውን በጩኸት አሰምተዋል።

ዘርይሁን አበበ የሚባሉ የዶ/ር ቴዎድሮስ ዕጩነት ደጋፊና መመረጣቸውም ያስደሰታቸው ከአዲስ አበባ፤ እንዲሁም ቤልጅግ ብራስልስ የሚገኙት ተቃዋሚ ያሬድ ኃይለማርያም የየበኩላቸውን አስተያየቶች ለአሜሪካ ድምፅ ሰጥተዋል።

ዝርዝሩን ከተያያዘው የድምፅ ፋይል ያዳምጡ። (ለማዳመጥ የማጫወቻ ቁልፉን ይጫኑ!)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!