Gerreta | ግርታ
በዓለም አቀፍ ደረጃ ተሸላሚ የኾነው ”ግርታ” (GERRETA) የተሰኘው ኢትዮጵያዊ አጭር ፊልም

በማንተጋፍቶት ስለሺ ተሰርቶ ለእይታ የበቃው ”ግርታ” (GERRETA) የተሰኘው ኢትዮጵያዊ አጭር ፊልም በዓለም አቀፍ ደረጃ ተሸላሚ ኾነ። ይኽ ፊልም ሽልማቱን ያገኘው ጣልያን ላይ ተካሄዶ በነበረው The 9 river film festival, Padova ሲሆን፣ በያዝነው ወር አጋማሽ (ከ 17-26 august 2017) በአምስተርዳም የሚካሄደው የዓለም-አቀፍ ሲኒማ ፌስቲቫል ላይም ይቀርባል።

ግርታ አጭር ፊልም፤ በ2017 በዚፍ ZIFF (2017) የፊልም ፌስቲቫል፣ በቡርኪና ፋሶ FESPACO (Ouagadougou, Burkina Faso 2017) እንዲሁም በርሊን ላይ ተደርጎ በነበረው 31ኛው ዓለም አቀፍ ፊልም ፌስቲቫል ላይ ተወዳድሮ የአሸናፊነት መታጨቱን የዓለም ሲኒማ ድረ-ገጽ የተገኘው መረጃ ይጠቁማል

Mantegaftot Sileshi
ማንተጋፍቶት ስለሺ

ፊልሙን የሰራው ማንተጋፍቶት ስለሺ በአሁን ሰዓት በጀርመን ድምጽ ራዲዮ የአማርኛው አገልሎት ፕሮዲዩሰር ሲሆን፣ በመጭው ሳምንት በአምስተርዳም ላይ በሚደረገው ዓለም-አቀፍ ሲኒማ ቀን በመገኘት ለተመልካቾች ስለ ፊልሙ ይዘት ማብራሪያ ይሰጣል።

ፊልሙ በአንድ በድህነት የተበሳጨ አባት ታሪክ ዙሪያ ያጠነጥናል። ይህ አባት ለልጆቹ የሚበላ ፍለጋ ከቤቱ ይወጣል። እመንገዱ ላይ አንድ ሀብታም ቤተሰብ ያጋጥመውና የሸክም አገልግሎት በትንሽ ክፍያ ይሰጣቸው ዘንድ ቢጠይቅ፤ እምቢኝ ብለው ያመናጭቁታል። ግርግር ወደበዛበት ስፍራ የተጓዘው ይኽ አባት፣ በማያውቀው የዳቦ ቤት ሌብነት ወንጀል እሱ ጦስ በመሆን “ሌባ” እየተባለ የአባሮሽ ሰለባ ሲሆን ያሳያል። በፊልሙ 35 ያህል ገጸባህርያት የተካተቱ ሲሆን፣ ቀረጻው በተለያዩ የአዲስ አባባ ክፍሎች መከናወኑን የፊልሙ ዲያሬክተር ገልጿል። ፊልሙ የተሰራው በአማርኛ ሲሆን፣ የእንግሊዝኛ ሰብታይትል አለው።

በመጭው ሳምንት ፊልሙን በአምስተዳም ለማየት የሚሹ RIALTO ሲኒማ ቤት በመሄድ፤ አልያም በዚህ አስፈንጣሪ መጠቀም ይቻላሉ። http://worldcinemaamsterdam.nl/en/portfolio-item/gerreta/

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!