Ethiopia Zare (ሰኞ ነኀሴ 19 ቀን 2000 ዓ.ም. August 25, 2008)፦ ”አንድነት ሰሜን አሜሪካ የድጋፍ ድርጅቶች ማኅበር” የተሰኘውና በሰሜን አሜሪካ የሚገኘው የአንድነት ፓርቲን ሕጋዊ ፈቃድ ማግኘት ተንተርሶ ”አንድነት ፓርቲ በአዲስ ምዕራፍ ይጀመራል!” በሚል ርዕስ መግለጫ አወጣ። በዚሁ መግለጫው ላይ ማኅበሩ ለፓርቲው የሚያስፈልገውን ድጋፍ ሁሉ እንደሚሰጥ ቃል ገብቷል።

 

ማኅበሩ በዚሁ መግለጫው ላይ ”በሚሊዮን የምንቆጠር የቀድሞው ቅንጅት ያሁኑ አንድነት ፓርቲ ደጋፊዎች ትናንትም ዛሬም ያነገብነው የ”ይቻላል”ን መፈክር ነው። አዎን ዲሞክራሲ ይቻላል! አዎን አንድነት ይቻላል! አዎን ስልጡን ፖለቲካ ይቻላል! አዎን ህዝብ በሠላማዊ ትግል መብቱን መጎናጸፍ ይችላል! አዎን በወንድማማች ህዝቦች መሃከል እርቅን ሠላም ይቻላል! ኦዎን ኢትዮጵያ ሠላምና መረጋጋት የሰፈነባት የከበረችና የተከበረች ሀገር ትሆናለች! እንላለን።” ሲል ገልጿል።

 

በመጨረሻም ”የዲሞክራሲ ትግሉ ከምንጊዜውም በረቀቀ ስልትና በተሃድሶ ብሔራዊ ስሜት እንዲቀጥል ለአንድነት ፓርቲ የሚያስፈልገውን ድጋፍ ሁሉ እንደምንሰጥ በዚህ አጋጣሚ ቃል ኪዳናችንን እንድሳለን። አሻግረን የምናየው ብሩህ ተስፋ መሆኑን ብናውቅም ብዙ መሰናክሎችና ብዙ ፈተናዎች መለፍ እንዳለብን እንገነዘባለንና በደስታውም በችግሩም ጊዜ መንፈሳችንን ጽኑ አድርገን ከፓርቲው ጎን እንደምንቆም እናረጋግጣለን። ...” ሲል ገልጿል። (ማኅበሩ ያወጣውን ሙሉ መግለጫ ለማንበብ እዚህ ይጫኑ!) 

 

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!