Sheikh Mohammed Hussein Al-Amoudi

በሙስና በቁጥጥር ስር የዋሉት ባለሀብቱ ሼህ መሐመድ ሑሴን አል-አሙዲ

ኢዛ (እሁድ ጥቅምት ፳፮ ቀን ፳፻፲ ዓ.ም. November 5, 2017)፦ በኢትዮጵያ ከኢሕአዴግ ኢንዳውመንት ድርጅቶች በመቀጠል የአገሪቱን ሀብት በሁለተኛ ደረጃነት ይቆጣጠሩታል ተብሎ የሚነገርላቸው ባለሀብቱ ሼህ መሐመድ ሑሴን አል-አሙዲ በሙስና ተጠርጥረው ታሰሩ።

የሳዑዲ ዐረቢያው አልጋወራሽ ልዑል መሐመድ ቢን ሳልማን በከፈቱት ፀረ-ሙስና ዘመቻ ትናንት አርባ ስምንት ሰዎች በቁጥጥር ስር ውለዋል። በቁጥጥር ስር ከዋሉት ውስጥ አስራ አንድ ልዑላን፣ አራት በሥልጣና ላያ ያሉ ሚንስትሮች፣ በአስራዎቹ የሚቆጠሩ የቀድሞ ሚኒስትሮች፣ በሥልጣን ላይ ያሉ ከፍተኛ ባለሥልጣናት፣ የቀድሞ ሹማምንቶችና ባለሀብቶች በቁጥጥር ስር ከዋሉት ውስጥ እንደሚገኙበት የአገሪቱ ሚዲያዎችና ዓለም የዜና አውታሮች ዘገቡ።

ሼህ መሐመድ ሑሴን አል-አሙዲ ኢትዮጵያ ደም ካላቸው ባለሀብቶች ውስጥ በሀብት አንደኛ ሲሆኑ፣ ከጥቁሮች ደግሞ በሁለተኛ ደረጃ ላይ ይገኛሉ። በእናታቸው ኢትዮጵያዊ፣ በአባታቸው ደግሞ ሳዑዲ አረቢያዊ የሆኑት ሼህ አል-አሙዲ፤ በነዳጅ፣ በኮንስትራክሽን፣ በቤት ማከራይት ሥራ ላይ በተለያዩ አገሮች የሚሠሩ ሲሆን፤ በተለይም በስዊድን አገር ከፍተኛ ሀብት እንዳላቸው ይነገራል። ከቅርብ ጊዜው ወዲህም በሻኪሶ የሚገኘውን የኢትዮጵያን የወርቅ ማዕድን ገዝተው በወርቅ ቁፋሮና ንግድ ላይ መሰማራታቸው ይታወቃል።

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!