Ginbot 7Ethiopia Zare (ማክሰኞ ነኀሴ 27 ቀን 2000 ዓ.ም. September 02, 2008)፦ በቅርቡ የተቋቋመው ግንቦት 7 የፍትህ፣ የነፃነትና የዴሞክራሲ ንቅናቄ የሚቀጥለው ሣምንት ኀሙስ መስከረም 1 ቀን 2001 ዓ.ም. (September 11, 2008) በአዲስ አበባ ሰዓት አቆጣጠር ከምሽቱ 2 ሰዓት (8 P.M. / 20:00) ላይ ስርጭቱን በአማርኛ ቋንቋ እንደሚጀምር የንቅናቄው የህዝብ ግንኙነትና ቅስቀሳ ዘርፍ አስታወቀ።

 

ንቅናቄው ይህንን የራዲዮ ፕሮግራሙን በሣምንት ሦስት ቀናት ለግማሽ ሰዓት (30 ደቂቃ) በ17655 ኪሎ ኸርዝ፣ በ16 ሜትር ባንድ እና በ21555 ኪሎ ኸርዝ፣ በ13 ሜትር ባንድ ወደ ኢትዮጵያ እና ወደ ሌሎች የዓለም ክፍሎች ስርጭቱን እንደሚያስተላልፍ ታውቋል።

 

ዘወትር ማክሰኞ፣ ኀሙስ እና ቅዳሜ በአዲስ አበባ ሰዓት አቆጣጠር ከምሽቱ 2 ሰዓት እስከ 2፡30 ሰዓት ድረስ ስርጭቱን እንደሚያስተላልፍ እና የራዲዮ ፕሮግራሞቹን በግንቦት 7 ድረ ገጽ (http://www.ginbot7.org) ላይ ማዳመጥ እንደሚቻል የግንቦት 7 ንቅናቄ ገልጿል። ንቅናቄው በቅርቡ በኦሮምኛ እና በትግርኛ ቋንቋ ተጨማሪ ስርጭት እንደሚጀምር አክሎ ገልጿል።

 

የግንቦት 7 ንቅናቄ የህዝብ ግንኙነትና ቅስቀሳ ዘርፍ ራዲዮኑን አስመልክቶ ባወጣው መግለጫ ላይ ”መረጃ ኃይል ነው፤ በመረጃ የታጠቀ ህዝብ ለመብቱ፣ ለነፃነቱ፣ ለጥቅሙና ለሀገሩ ደህንነት የቆረጠ ታጋይ ይሆናል” ከሚል እምነት በመነሳት፤ በሣምንት አንድ ቀን ንቅናቄው ከሚያዘጋጀው የድረ ገጽ ጋዜጣ በተጨማሪ ራዲዮኑን እንደሚጀምር ገልጿል። (የግንቦት 7 ንቅናቄ የህዝብ ግንኙነትና ቅስቀሳ ዘርፍ ያወጣውን መግለጫ በፒ.ዲ.ኤፍ. ለማንበብ እዚህ ይጫኑ!)

 

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!