Ethiopia Zare (እሁድ ጳጉሜን 2 ቀን 2000 ዓ.ም. September 07, 2008) የናይጄሪያ ሲቪል አቪየሽን ባለሥልጣን የኢትዮጵያ አየር መንገድን ወደ ሌጎስ እንዳይገባ ዕግድ ሊጥል መሆኑን ዚስ ዴይ የተባለ የናይጄሪያ ጋዜጣ ዘገበ።

 

የአቪየሽን ባለሥልጣኑ ዕገዳውን ለመጣል ያነሳሳው፣ የኢትዮጵያ አየር መንገድ ባለፈው ነሐሴ 26 ቀን 2008 የበረራ ቁጥር ኢቲ 601 ከዱባይ አዲስ አበባ ሌጎስ የበረራ መስመር በናይጄሪያ መንገደኞች ላይ ሰብዓዊነት የጎደለው ድርጊት በመፈፀሙ እንደሆነ ይገልፃል።

 

በናይጄሪያና በኢትዮጵያ መካከል የዲፕሎማሲያዊ ግንኙነትን የሚጥስ ድርጊት በሰባት የናይጄሪያ መንገደኞች ላይ ተፈጽሟል ብሏል።

 

በጉዳዩ ዙሪያ የናይጄሪያ ሲቪል አቪዬሽን ባለሥልጣን ዳይሬክተር ጀነራል ሃሮልድ ናይጄሪያ ለሚገኙ የኢትዮጵያ አየር መንገድ ተወካዮች ጥያቄ ያቀረቡ ሲሆን፣ የኢትዮጵያ አየር መንገድ በናይጄሪያ ውስጥ በሚታተሙ ጋዜጦች ላይ ለፈፀመው ስህተት ይቅርታ ጠይቋል ተብሏል።

 

የኢትዮጵያ አየር መንገድ የበረራ ቁጥር ኢቲ 601 ከዱባይ ኢንተርናሽናል አየር ማረፊያ ከተነሳ በኋላ በሰባት የናይጄሪያ መንገደኞች ላይ በአውሮፕላኑ ማቀዝቀዣ ክፍል ውስጥ ለ4 ቀናት ቆልፎባቸው በመቆየቱ እና በመጨረሻም እጃቸውን ለፖሊስ መስጠቱ ተገልጿል።

 

የአቪዬሽን ባለሥልጣኑ ባወጣው መግለጫ እንደገለፀው፣ የኢትዮጵያ አየር መንገድ በፈፀመው ኢ-ሰብዓዊ ድርጊት የናይጄሪያ መንግሥትን፣ የሲቪል አቪዬሸን ባለሥልጣን እና የተጎዱ መንገደኞች ይቅርታ መጠየቅ አለበት ለተጎዱትም ካሣ መክፈል ይኖርበታል ብለዋል።

 

የናይጄሪያው ዚስ ዴይስ ጋዜጣ የኢትዮጵያ አየር መንገድ ኃላፊዎችን ለማነጋገር ያደረገው ጥረት እንዳልተሳካለት ገልጿል።

 

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!