Ato Daniel Bekele (left top) & Ato Netsanet Demiseዓቃቤ ሕግ ይግባኝ ሊጠይቅ ይችላል

Ethiopia Zare (ሰኞ ጥር 19 ቀን 2000 ዓ.ም. January 28,2008)፦ የሰብዓዊ መብት ተከራካሪ ድርጅቶች መሪ የሆኑትና ምርጫ 97ን ተከትሎ ኢህአዴግ እስር የጨመራቸው አቶ ዳንኤል በቀለ እና አቶ ነፃነት ደምሴ ሊያገኙት ይገባ የነበረውን አመክሮ መከልከላቸውን ከአዲስ አበባ የደረሰን ዘገባ አስረዳ።

ፍርድ ቤቱ ጥፋተኛ ብሎአቸው ሁለት ዓመት ከስድስት ወር (30 ወራት) እንዲታሰሩ ወስኖባቸው እንደነበር አይዘነጋም። በኢትዮጵያ ሕግ መሠረት አንድ ሰው ከዓመት ፍርዱ ላይ የአራት ወር አመክሮ ማግኘት ይችላል። ይህን አመክሮ የሚሰጠው የወሕኒ ቤቱ አስተዳደር ነው።

በሕጉ መሠረት 30 ወር የተፈረደበት ግለሰብ 10 ወር ተቀንሶለት ከ20 ወራት እስር በኋላ በአመክሮ ይፈታል።  

አቶ ዳንኤል እና አቶ ነፃነት ከ20 ወራት በላይ የታሰሩ ሲሆን፣ የወሕኒ ቤቱ አስተዳደር ጠርቶ አመከሮ ሊሰጣቸው ሲገባ፣ ሳይጠራቸው ይቀራል። በዚህም ምክንያት እራሳቸው ለአስተዳደሩ አመልክተው አመክሯቸው እንዲሰጣቸው ቢጠይቁም የተከለከሉ መሆናቸውንና እስራቸውን ጨርሰው እንዲወጡ ምላሽ ተሰጥቷቸዋል።

ከዚሁ ጋር በተያያዘ ዜና ዓቃቤ ሕግ የአቶ ዳንኤል እና የአቶ ነፃነት ፋይልን መጠየቁ ታውቋል። በዚህም መሠረት ዓቃቤ ሕግ በእስረኞቹ ላይ በቅርቡ ይግባኝ ሊጠይቅባቸው እንደሚችል የሕግ አዋቂዎች ተናግረዋል።

 

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!