Ethiopia Zare (ማክሰኞ መስከረም ፳፯-27 ቀን ፳፻፩-2001 ዓ.ም. October 7, 2008)፦ በዩናይትድ ስቴትስ ኦፍ አሜሪካ የሚገኘው የኢትዮጵያ ቴሌቭዥን ኔትዎርክ (ኢ.ቲ.ኤን.) በአዲስ ቴክኖሎጂ ሥርጭቱን በመላው ዓለም የብሮድባንድ ኢንተርኔት ተጠቃሚዎች በሙሉ ለማዳረስ ዝግጅቱን ማጠናቀቁን ለኢትዮጵያ ዛሬ በላከው መግለጫ ገለፀ።

 

በሣምንት ሰባት ቀን፣ በቀን 24 ሰዓት ሥርጭት ያለውና በአማርኛ ቋንቋ የሚተላለፈው ኢ.ቲ.ኤን. የተሰኘው የቴሌቭዥን ጣቢያ፣ ቦርደርለስ ሚዲያ የሚባለው ኮርፖሬሽን በጀመረው አይ.ፒ.ቲ.ቪ. (IPTV - Internet Protocol TV) በተሰኘው አዲስ ቴክኖሎጂ በመጠቀም ሥርጭቱን በብሮድባንድ ኢንተርኔት እንደሚያስተላልፍ አስታውቋል።

 

በዚህ በአዲሱ ቴክኖሎጂ ከኢትዮጵያን ቴሌቭዥን ኔትዎርክ ሥርጭት በተጨማሪ ሌሎች ዓለም አቀፍ የሆኑ የዜና፣ የስፖርት፣ የሙዚቃ፣ የመዝናኛ፣ ... የቴሌቭዥን ሥርጭቶችንም በቲቪ በማሰራጫ ሣጥኑ አማካኝነት በነፃ ማግኘት እንደሚቻል አስታውቋል።

 

ኢ.ቲ.ኤን. ላልተወሰኑ ሣምንታት ሥርጭቱን አቋርጦ እንደነበር አይዘነጋም።

 

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!