ለኤርትራ ዕርዳታ ሁለት ሚሊየን ዶላር ያስፈልጋል

Ethiopia Zare (ቅዳሜ ጥቅምት ፩-1 ቀን ፳፻፩-2001 ዓ.ም. October 11, 2008)፦ የተባበሩት መንግሥታት የሕፃናት ፈንድ ዩኒሴፍ እንዳስታወቀው፣ በኤርትራ በርካታ አካባቢዎች ሕፃናት ለከፋ የምግብ እጥረት እየተጋለጡ ነው።

 

ዝቅተኛ የዝናብ መጠን መኖሩ፣ መሠረታዊ የምግብ እህሎች ማነሳቸውና የዓለም የምግብ ዋጋ መናር፣ በተያዘው ዓመት በኤርትራ በርካቶችን ለችግር እንደሚያጋልጥ የእርዳታ ድርጅቶች አስጠንቅቀዋል።

 

በኤርትራ አርብቶአደር የሚበዛባቸው አካባቢዎች፣ ለከፋ የምግብ እጥረት እንደሚጋለጡ ሲገመት፣ ለከብቶቻቸው ግጦሽ ለማግኘት ሊቸገሩ እንደሚችሉም ተገምቷል።

 

የተባበሩት መንግሥታት የሰብዓዊ ጉዳዮች ማስተባበሪያ ጽ/ቤት፣ ወደ ኢትዮጵያ አፋር ክልል የሚሰደዱ ኤርትራውያን ለምግብ እጥረት የተጋለጡ መሆናቸውን ቢገልጽም በሀገሪቱ ለችግር የተጋለጡትን ሰዎች ቁጥር ግን አልታወቀም።

 

እንደ ጽ/ቤቱ ገለፃ የክረምት ዝናብ በኤርትራ መጠኑ የቀነሰ ሲሆን፣ የመኸር ዝናብም ከአማካይ በታች ነበር።

 

የአሜሪካ የአስቸኳይ ዕርዳታ ምላሽ ፈንድ በበኩሉ፣ ለኤርትራ ዕርዳታ ሁለት ሚሊየን የአሜሪካ ዶላር እንደሚያስፈልግ የተባበሩት መንግሥታት የዜና ወኪል ኢሪን ዘግቧል።

 

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!