Ethiopia Zare (ቅዳሜ ጥቅምት ፩-1 ቀን ፳፻፩-2001 ዓ.ም. October 11, 2008)፦ በህዝብ ተወካዮች ምክር ቤት መቀመጫ ያላቸው 38 የአንድነት ፓርቲ መሥራች አባላት፣ በፓርላማ ውስጥ በአንድነት ፓርቲ ስም ለመንቀሳቀስ ጥያቄ አቀረቡ። አባላቱ ጥያቄውን ያቀረቡት መስከረም 28 ቀን 2001 ዓ.ም. ለአፈ-ጉባዔው ጽሕፈት ቤት ባስገቡት ደብዳቤ ነው።

 

የቅንጅት ለአንድነትና ለዲሞክራሲ ፓርቲን በመወከል ፓርላማ የገቡት እነዚህ አባላት ”የፓርላማ ቡድን” በሚል ሲንቀሳቀሱ የቆዩ ናቸው።

 

አቶ ተመስገን ዘውዴ እንደገለጹት ከሆነ፣ በአንድነት ፓርቲ ስም ለመንቀሳቀስ ጥያቄ ማቅረብ ያስፈለገው፣ አባላቱ የአንድነት ፓርቲ መሥራች በመሆናቸውና ፓርቲው ከምርጫ ቦርድ ሕጋዊ እውቅና በማግኘቱ፣ የህዝብ ውክልናቸውን በአግባቡ ለመወጣት እንዲያስችላቸው ነው።

 

ከጥር 6 ቀን 2000 ዓ.ም. ጀምሮ 41 የሚሆኑ የምክር ቤት አባላት ”የፓርላማ ቡድን” ተሰኝተው ይንቀሳቀሱ እንደነበር ያስታወሱት አቶ ተመስገን፣ ፓርቲ የላችሁም በሚል በአማካሪ ምክር ቤትና በቋሚ ኮሚቴዎች መሳተፍ እንደማይችሉ በቃል ተነግሯቸው እንደነበር ገልጸው፤ ፓርቲው እውቅና ማግኘቱ በአማካሪ ምክር ቤትና በቋሚ ኮሚቴዎች ውስጥ የህዝብ ውክልናን በአግባቡ እንድንወጣ ያስችለናል ብለዋል።

 

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!