Ethiopia Zare (ዓርብ ኅዳር 5 ቀን 2001 ዓ.ም. November 14, 2008)፦ ከኦሮሞ ነፃ አውጪ ግንባር (ኦነግ) ጋር በተያያዘ በአዲስ አበባ ማረሚያ ቤት (ቃሊቲ) የሚገኙ ወደ 30 የሚጠጉ እስረኞችን ለማስፈታት ጥረት መጀመሩን ምንጮች ጠቆሙ።

 

መንግሥትንና በትጥቅ ትግል ላይ የሚገኘውን የኦሮሞ ነፃ አውጪ ግንባር (ኦነግ) ለማደራደር ሁለት የሽምግልና ቡድኖች እንቅስቃሴ መጀመራቸውን የጠቆሙት ምንጮች፤ ከነዚህ ውስጥ የቅንጅትን አመራሮች ከእስር ለማስፈታት የተንቀሳቀሰው የሽምግልና ቡድን ወደ 30 የሚጠጉ ከኦነግ ጋር በተያያዘ ተጠርጥረው ለረጅም ጊዜ የታሰሩ እስረኞች በይቅርታ እንዲፈቱ ለማድረግ ጥረት መጀመሩ ታውቋል።

 

ምንጮች እንደጠቆሙት፣ እስረኞቹን ለማስፈታት ጥረት የተጀመረው፤ ራሳቸው እስረኞቹ በመንግሥት ምህረት እንዲለቀቁ የሚጠይቅ ደብዳቤ ለመንግሥት እንዲያስገቡ ከተደረገ በኋላ መንግሥት ምህረት እንዲያደርግላቸው በመጠየቅ ነው።

 

እንደ ምንጮቻችን ገለፃ፣ የተጀመረው ጥረት ከተሳካ የፊታችን ሰኞ ድረስ ወደ 30 የሚሆኑ እስረኞች ሊለቀቁ እንደሚችሉ ጠቁመዋል።

 

በሌላ በኩል ባለፈው ሁለት ሣምንት ከኦነግ እና ከሽብር ተግባር ጋር በተያያዘ ተጠርጥረው የታሰሩ እስረኞች በዛሬው ዕለት ፍርድ ቤት ይቀርባሉ ተብሎ ይጠበቃል።

 

ይህ በእንዲህ እንዳለ ሌሎች ሰዎች ከኦነግ ጋር በተያያዘ እስካሁን እየታሰሩ እንደሚገኙ ለመረዳት ችለናል።

 

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!