Aleqa Ayalew TamiruEthiopia Zare (እሁድ የካቲት 2 ቀን 2000 ዓ.ም. February 10, 2008)፦ የአለቃ አያሌው ታምሩ አስክሬን ባረፈበት ደብረ አሚን ተክለኃይማኖት ቤተ ክርስቲያን ኃውልታቸው እና የመታሰቢያ ጸሎት ቤት እንዳይሰራ ቤተ ክርስቲያኗ ከለከለች።

 

የአለቃ አያሌው ቤተሰቦች በደብሩ የመታሰቢያ ኃውልት እንዲሁም የጸሎት ቤት ለማሰራት እንዲፈቀድላቸው ከነኀሴ 29 ቀን 1999 ዓ.ም. ጀምሮ ጥያቄ ቢያቀርቡም ከቤተክርስቲያኗ መልካም ምላሽ እንዳላገኙና ጥያቄያቸውን ለደብሩ ብቻ ሳይሆን ለጠቅላይ ቤተ ክህነት ጽ/ቤትና ለፓትርያኩ ለማቅረብ ቢሞክሩም እስካሁን ድረስ መፍትሄ እንዳልተሰጣቸው ምንጮቻችን ዘግበዋል።

 

የቤተክርስቲያኗ ሰዎች ማንም ሄዶ ቢጠይቃቸው ለአለቃ አያሌው የመቃብር ቤት እንዳይሰራ መከልከላቸውን ሳይፈሩ በድፍረት ይናገራሉ። ለዚህ የሚሰጡት ምላሽ ደግሞ ‘አለቃ አያሌው ከቤተክርስቲያን ቀኖና ወጥተው ራሳቸውን እንደ ቤተክርስቲያን የሚያዩ ሰው ስለነበሩ ነው።’ የሚል ሲሆን፤ በቀብር ስነ-ስርዓታቸው ወቅት ለአለቃ አያሌው የፍትሃት ጸሎት በቤተክርስቲያኒቷ ካህናት አልተፈጸመም።

 

ይህም ደግሞ የቤተክርስቲያኗን ስርዓት ያልተከተለ ነው። በወቅቱም ፍትሃት እንዲደረግላቸው የአለቃ አያሌው ቤተሰቦች የተጠየቁ ሲሆን፣ "... 'አባታችን በሕይወት እያለ ራሱን ፈቷል' ሲሉ ስለተናገሩ ነው፤ አሁን ታዲያ ለምን የመቃብር ቤት በቤተክርስቲያኗ ግቢ ማሰራት ያስፈልጋቸዋል?" ሲሉ መከልከላቸውን ለማወቅ ችለናል።

 

አለቃ አያሌው በሕይወት እያሉ ፓትሪያርኩን ያወገዙ ሰው ሲሆኑ፣ በዚህም በቤተ ክህነት አካባቢ በ1988 ዓ.ም. ያለጡረታ የተገለሉ የኢትዮጵያ ኦርቶዶክስ ከነበሯት ታላላቅ ሊቃውንት አንዱ ነበሩ። ብዙ ተከታዮችን ያፈሩ በመሆናቸው ውግዘታቸውን በተቀበሉ ካህናት ፍትሃት ተደርጎላችው መቀበራቸው ይታወሳል።

 

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!