W/t Birtukan MideksaEthiopia Zare (ዓርብ ታህሳስ 3 ቀን 2001 ዓ.ም. December 12, 2008)፦ ምርጫ 97ን ተከትሎ በመንግሥትና በተቃዋሚ ፓርቲዎች መካከል በተፈጠረ አለመግባባት፣ በተነሳ ረብሻ እስር ቤት ገብተው የነበሩት የቀድሞ የቅንጅት ለአንድነትና ለዲሞክራሲ ተ/ም/ሊቀመንበርና የአሁኑ አንድነት ፓርቲ ፕሬዝዳንት ወ/ት ብርቱካን ሚደቅሳ ከእስር የተፈቱበትን ሁኔታ አስመልክቶ፣ ”ይቅርታ አልጠየቅንም የሚል ይዘት ያለው መግለጫ በአውሮፓ ሰጥተዋል” በሚል ጉዳዩን እንዲያብራሩ በፌደራል ፖሊስ ኮሚሽን ኮሚሽነር ወርቅነህ ገበየሁና በአሁኑ ሰዓት ከፍትህ ሚኒስቴር ሚንስትር ዴኤታ ኃላፊነታቸው በተነሱት ዶ/ር ኃሺም መሐመድ ተጠርተው ተጠየቁ። ወ/ት ብርቱካን የሰጡት ምላሽ ለሚመለከተው አካል መተላለፉን መንግሥት አስታውቋል።

 

ጉዳዩን በሚመለከት ያነጋገርናቸው ወ/ት ብርቱካን ሚደቅሳ ፌደራል ፖሊስ እንዴት ሊቀርቡ እንደቻሉ ተጠይቀ፤ ”ከትናንት በስቲያ ከጠዋቱ ሁለት ሰዓት አካባቢ የፍርድ ቤትም ሆነ የፖሊስ መጥሪያ ያልያዙ ፖሊሶች እቤቴ መጥተው ኮሚሽነሩ እንደሚፈልጉኝ ነገሩኝ። ነገር ግን ለምን እንደተፈለኩ ሊያብራሩልን አልቻሉም ነበር።” ብለዋል።

 

በቦታው እንደደረሱ የፌደራል ፖሊስ ኮሚሽን ኮሚሽነር ወርቅነህ ገበየሁና ለጊዜው በምን ኃላፊነት እዛ ቦታ እንደተገኙ ያላወቋቸው ዶ/ር ሐሺም መሐመድ እንደጠበቋቸው ገልጸውልናል።

 

የተፈለጉትም ከእስር የተፈቱበትን ሁኔታ በሚመለከት በአውሮፓ ሀገራት ያደረጓቸውን ንግግሮች አስመልክቶ ሲሆን፤ በሰጡት ምላሽም፤ ከእስር የተፈቱበት አግባብ 18 ወራት በፈጀ የሀገር ሽማግሌዎች የሽምግልና ጥረት እንጂ ለይቅርታ ቦርድ በቀረበ የይቅርታ ማመልከቻ እንዳልሆነ ያስረዱ መሆኑን ለዝግጅት ክፍላችን ገልጸዋል።

 

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!