W/t Birtukan MideksaEthiopia Zare (ሰኞ ታህሳስ 20 ቀን 2001 ዓ.ም. December 29, 2008)፦ ወ/ት ብርቱካን ሚደቅሳ በቅንጅት አመራርነታቸው ወቅት ከተከሰሱበትና ከተፈረደባቸው በኋላ በሽምግልና ቢፈቱም፤ ይቅርታው ተነስቶባቸው ቀድሞ የተፈረደባቸው የዕድሜ ልክ ፅኑ እስራት ተፈፃሚ እንዲሆን በማለት ገዥው የኢህአዲግ ፓርቲ ወደ ቃሊቲ እስር ቤት እንደወረወራቸው የኢትዮጵያ ዛሬ ምንጮች ከአዲስ አበባ አስረዱ።

 

ዛሬ ከሰዓት በኋላ በአዲስ አበባ ሰዓት አቆጣጠር ከቀኑ 8፡30 ሰዓት ላይ በኢህአዲግ የደህንነት ሰዎች ተይዘው የታሰሩት የቀድሞ የቅንጅት ተቀዳሚ ምክትል ሊቀመንበርና የአሁኑ የአንድነት ለዲሞክራሲና ለፍትህ ሊቀመንበር የሆኑት ወ/ት ብርቱካን ሚደቅሳ በአውሮፓ ጉብኝታቸው ወቅት በስዊድን ሀገር ሽምግልናውን አስመልክቶ በሰጡት ቃለምልልስ ላይ የተናገሩትን እንዲያስተባብሉ የመንግሥት ባለሥልጣናትና ሚዲያዎች እንዳስፈራሩዋቸው መዘገባችን አይዘነጋም።

 

ወ/ት ብርቱካንም በተሰጣቸው ጊዜ ገደብ መሠረት ያሳለፍነው ቅዳሜ ታህሳስ 18 ቀን 2001 ዓ.ም. ቃላቸውን በጽሑፍ ለመገናኛ ብዙኃን አስተላልፈው ነበር። ሆኖም ግን ይህንኑ የሰጡትን ቃል የገዥው ፓርቲ የኢህአዴግ አመራሮችና ባለሥልጣናት በቂ ሆኖ አላገኘነውም በሚል ሰበብ ወ/ት ብርቱካን እንዲታሰሩ አድርገዋል። (ወ/ት ብርቱካን የሰጡትን ምላሽ አስነብበኝ)

 

የኢትዮጵያ ዛሬ ምንጮች እንዳስረዱት ከሆነ፣ ከምርጫ 97 ጋር በተያያዘ በቀድሞው የቅንጅት ከፍተኛ አመራሮች ታስረው ከተከሰሱበትና በኋላም ከተፈረደባቸው የዕድሜ ልክ እስራት በሽምግልና መንግሥትንና ህዝብን ይቅርታ ጠይቀው፤ ይቅርታ ተደርጎላቸው ተፈርዶባቸው ከነበረው የዕድሜ ልክ ፅኑ እስራት ነፃ ሆነው እንደነበር አስታውሰው፤ ኢህአዴግ “ይቅርታውን አንስቻለሁ” በማለት በወ/ት ብርቱካን ላይ የዕድሜ ልክ ፅኑ እስራቱ ተፈፃሚ እንዲሆንባቸው በማለት በዛሬው ዕለት ቃሊት እስር ቤት አስገብቶ አስሯቸዋል።

 

ከጥቂት ሰዓታት በፊት ከዚህ ዘገባ ቀደም ብሎ "የ78 ዓመቱ ፕ/ር መስፍን ተደበደቡ፣ ወ/ት ብርቱካን የደረሰችበት አልታወቀም" በሚል ርዕስ ባስነበብነው ዘገባ ላይ ወ/ት ብርቱካን የታሰሩት ከፕሮፌሠር መስፍን ወልደማርያም ጋር በመሆን "ፕሪዝነርስ ፌሎሺፕ" ከተሰኘው መስሪያ ቤት ከፓስተር ዳንኤልን ጋር ተገናኝተው ከተወያዩና ከተሰነባበቱ በኋላ እንደነበር መዘገባችን ይታወቃል። ፓስተር ዳንኤል የቀድሞውን የቅንጅት አመራሮች ከአስር ካስፈቱት ሽማግሌዎች ውስጥ አንዱ መሆናቸው አይዘነጋም።

 

ወ/ት ብርቱካን ሚደቅሳ የ34 ዓመት ወጣትና የአንዲት ሴት ልጅ እናት ሲሆኑ፣ በኢትዮጵያ የፖለቲካ ታሪክ ውስጥ ደግሞ የመጀመሪያዋ የተቃዋሚ ፖለቲካ ፓርቲ መሪ ናቸው። ወ/ት ብርቱካን ሚደቅሳ ከአዲስ አበባ ዩኒቨርሲቲ በሕግ ሙያ የመጀመሪያ ዲግሪያቸውን ካገኙ በኋላ በዳኝነት አገልግለዋል።

 

ወ/ት ብርቱካን ከመታሰራቸው በፊት በሽምግልናውና በይቅርታው ጉዳይን አስመልክቶ በቅደም ተከተል ያስነበብናቸውን ዘገባዎች ለግንዛቤ ይረዳዎ ዘንድ ከዚህ በታች አቅርበናቸዋል፦

  1. ታህሳስ 18 / Dec 27 - "'ቃሌ' - ከወ/ት ብርቱካን ሚደቅሳ"፣

 

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!